السلام عليكم….
أنا وايد سمعت عن الظلم…بس عمري ما حسيت به كثر ما حسيتبه أمس…ياالله انا مب متخيلة انه في ناس جييه..ضايجة فيني الدنيا و مب عارفة شسوي…
اعذروني انا مب عارفة شو اكتب..متلخبط عقلي ع الآخر..بس اتمنى انكم تدعون لي..
السالفة اني كنت بالمحكمه امس..مواجهة بيني و بين وحده نصبت عليي بملايين..المشكلة ما عندي عقود غير حوالات…
أنا اقسم بالله العظيم اني سلمت الحرمة المبالغ..و انا عمري ما رضيت ع عمري فلس حرام..و يعلني ما كليت و لا شربت اذا رضيت ع روحي الحرام..
الحرمة بكل جرأة تقول جدام الناس و القضاء انا ما خذت عنج و لا فلس..
دارت فيني الدنيا..مب دريانه انا بحلم و لا بعلم..
يا فلانه انا عطيتج..اقسم لج بالله عطيتج..دخيلج..كلها ديون..الدنيا تبى و الاخرة تبى..ترضين ع روحج بيزات حرام..حسبي الله و نعم الوكيل…أذكر هذا بس اللي قدرت اقوله و أنا أصيح جدام الخلق..
ما اعرف كيف طلعت من هناك و كيف وصلت البيت..
أدعولي..
الله يصبرج ويفرج عليج همج
وكلي امرج لله وهو خير من توكلتي به
حسبي الله ونعم الوكيل ….
لا حول ولا قوة الا بالله …..
والله انه سالفتج تعور القلب ….
الاخوان والاخوات ما قصروا في الدعاوي والنصايح والارشادات ….
الله يعينج على بلواج ويصبرج على مصيبتج …
كوني قريبة من الله اكثر ….
أسأل الله ان يفرج همج وحزنج … اللهم امين..
كلامج صحيح المفروض يكون فيه ضمانات وشهود
لقوله تعالى: (إذا تدانيتم بدين الى اجل مسمى فاكتبوه)
وقال تعالى: ( وردوا الامانات الي اهلها)
صدق الله العظيم
__________________
انصحج بكثره الاستغفار ولنا الله شايف وسامع
بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
الله يردلج حقج وايسرلج امرج ان شاء الله