السلام عليكم ورحمة الله وبركاته
بصراحه ما كان ودي اكتب هالموضوع وكان ودي استر لانه الستر زين بس هالعضو جبرني اكتب عنه
والعضو هو موقع بيتي
والله ماعرفت له مره شريت منه موقع وبعدها ب3 ايام الموقع تسكر وقال انه اختراق ومن هالكلام وطلبت منه يراسل الشركه لو كان اختراق بغيتهم يردونه باقرب وقت وباي نسخه وقال مب مشكله وللحين الموقع مب شغال وسكت انا عن السالفه ومن اسبوع وشي تقريبا كتبت موضوع عن سيديات هكر ف اخونا حط لي رابط موضوعه انه يبيع سيديات هكر وقلت بطلب نسختين وطلبت
وربي ياجماعه للحين وانا اكتب هالموضوع وانا اتريا السيديات اول مره قال صار خربطه بالشحن وانه السيديات راحن مع 40 نسخه من سيديات بيتي مادري فيلتي للمندوبه ف ابوظبي
قلتله مب مشكله عطني رقمها وراح اتفاهم وياها عالتوصيل وجي وهالكلام كان يوم الاثنين
على الاساس يوم الثلاثاء بتروح البريد وتستلم السيديات والاربعاء اطرشهم لي بالامبوست وشفتها تأخرت طرشت لها مسج وقلتلها يااختي شو صار بالموضوع وكان ردها انه ما ايون من بوظبي لين راك عشان سيدي وللعلم يوني من العين لين راك عشان قلم سعره 40 درهم
وبعد قلت مب مشكله وعطيتها رقم اخوي وورد اللي موضوعه مثبت فوق يوصل الطلبيات ومن هالكلام
على اساس انه اليوم ساعه 11 وشي اييبهم لي شفته اخوي تأخر ووراي صلاه الجمعه اتصلت فيه من شوي ويقول انه راح بوظبي ومحد رد عليه وعقب قالو له بنطرش السيديات مادري شو صار ويا المندوبه وخلو اخوي وورد يرد لبيته
يا اخوي مااااااااازن(موقع بيتي) اطلب منك ترجع ال 240 درهم ترا اقسم بالله ما راح تغنيك بحياتك والسيديات ماباهم خلاص مليت من هالسالفه وبصراحه باينه انها نصب
يوم انه قلتو الامبوست مب مستعد ايي راك عشان سيديات ليش ماعطيتو السيديات لاخوي حمدان اليماحي ؟؟ شو عذركم هالمره انت والمندوبه ؟؟
اخى اذا فعلا هذا الكلام صحيح تأكد انه سيكون هناك اجراء من قبل الاداره وعليك مخاطبة الاداره بخصوص موضوع الاخ حتى لا يستوى لغيرك من الاعضاء او الزوار
الله يكون في عونك
سالفه انه انبوست ما يوصل من بوظبي لين راك عشان سيدي .. ها موضوع كله خريط في خريط ….
هم ما عليهم من السلعه عليهم من قيمة التوصيل …سواء طرشت سيدي ولا ابره .. تراهم ماخذين قيمة التوصيل ..
والمفروض أنه تكون في رقابه على هالمواضيع و خصوصا الي فيها دفع فلوس .. كثير من الأعضاء توهقوا و تلعوزوا ويا هاي الأشكال … حتى فقدت المصداقيه في البيع و الشراء من النت . .. اشتريلي من برع و اطلبه عن طريق النت اضمن من اني اطلب شي من الدوله … و اكبر دليل .. طلبت معجون أسنان من أمريكا سعره 12 دولار .. وصل بعد 9 أيام بالضبط لين باب البيت ..
والله انا ماودي الحين الخلل منه ولا من المندوبه بس اتصل فيه مايرد والمندوبه يازين اسلوبها ماشاء الله حدث ولا حرج يعني حمدان يتعب ويضرب له خط لين بوظبي واخر شي يرد عالفاضي شو ذنبه ؟؟