سلام عليكم
كيف الحال جماعة عساكم مرتاحين
الله لايراويكم مكروه اخوكم صابه الدسك ويتمنى من ال يعرف اي دكتور
او عيادة سواءً داخل الدولة او خارجها او حتى عيادة علاج طبيعي
يعالجون الدسك لا يتأخر علينا
وعساه بميزان حسناتكم ان شاء الله
ومشكورين مقدما
23 thoughts on “حد يدلنا على مكان مجرب لعلاج الدسك”
Comments are closed.
السلام عليكم ورحمة الله وبركاته
مع ان الموضوع قديم … بس حبيت أفيد واستفيد…
انا اصبت بالديسك في الفقرة الخامسة والسادسة … وسرت مستشفى خليفة وسويت جلسات علاج طبيعي .. ونصحوني بعملية … ولكن واحد من الاصدقاء نصحني بزيارة الدكتور حسن (شيشاني الجنسية في ابوظبي)…
أسم العيادة : عيادة زكريا …. خلف شيشة البترول اللي قدام مصرف ابوظبي الاسلامي في شارع النجده…
طريقة علاجه هي الوحيدة في العالم …. يستخدم أصابعه داخل الحلق ويدف العمود الفقري من هناك…
سويت عنده ما يقارب العشر جلسات … وراح الم اليد والارجل وتنميلها …. وحسيت بتحسن … وبين فترة وفترة …. تعلمت اسوي الحركة لحالي واتقنتها … وما رجع الالم من 3 سنوات ولله الحمد ….
انصحكم فيه … وهو يستخدم المساج والطرق الطبيعية والشد لعلاج ديسك الظهر …
الجلسة عنده ب 200 درهم …. بس فاصلوه …. بينقص ل 150 …. ولو انتم شطار … حاولوا على 100…
انا حبيت افيدكم … والريال ما اعرفه إلا عن طريق عيادته….ورقمه بتحصلونه من الدليل…
الله يشفي الجميع
الله يشفيك من كل شر ولد خاتي راح مصحات الشيك وعنده ديسك في الرقبة ومدحها وايد ومب مكلفة
انا الي اعرف ماله علاج يعني فقط مهدئات للمرض حتى لو عملية اخس عن الاول يعني الواحد لازم يدير باله على نفسه اكثر من الاول مابوفق وايد مايشيل اوزان ينام على سطح صلب شوي ويكون موازي لظهره
اخوي الحمد لله على سلامتك وما تشوف شر
خبرنا شو سويت … نحتاج معلومات عن العلاج وفعاليته
طويل العمر انا عندي لك كل المعلومات وان شاء الله افيدك..انا توني راجع من تايلند وبالتحديد بانكوك عندي اخوي كان يعاني من الديسك سويناله العملية والحمدالله الأمور طيبة الحينه..يروم يمشي ويطلع ويسوق سيارة وكل شي..
اتصلبي وبخبرك كل شي ان شاء الله.. 7891234-050