السلام عليكم ورحمة الله وبركاتة
جرائم الاقتصاب والقتل قامت تزيد في الدولة وضحاياها اطفال ابرياء نفس الورود تتقطع القلوب عند مشاهدتهم
مناضر تقطع القلوب
وصور تدمع لها العين
وام لاتتحمل الصدمة
الى متى هذه الجرائم ؟ وشو الحل لها ياترى ؟؟؟
موضوع مفتوح للجميع واتمنى الكل يشارك و يحط رايه الشخصي والله يكون بعونا
اخوكم محمد
نسلح المواطنين
وفعلن قاعد يتزايد في الدولة من عقب ماكنا نرقد في بيت اهلنا وبيبانا مشرعه ومانخاف من شي
استوينا نبند الباب ثلاث مرات بالقفل + باب الصالة + باب الحجرة
والله اني اخاف على عيالي من ادنات الشي
ونحن مشغولين عنهم بالدوامات
ومخلينهم الصبح فالبيت برعاية الرحمن وهالخدامات
الله يستر
لازم تكون فيه رقابة تامة على هالعمال الاسيوين وحتى بعض الوافدين العرب
الواحد حتى ما يطمن اذا ولده لعب جدام البيت
انا افكر احط كامرات حولين البيت من برع على السور وداخل البيت من كثر الي نسمعه
الخوف على عيالنا يناس نبا حل
ماستوينا في امان شرات قبل
كل يوم جريمة وكل يوم خبر يهد الحيل من كبرة
لاحول ولاقوة الا بالله العلي العظيم
كلامكم كله على عيني وراسي وعجبتني فكرة القصاص وبالنهاية هذا الشرع ولازم نطبقة واكيد راح تنحل وايد مشاكل
ومن الاخطاء الشائعه هذي الايام
يقهرون الامهات الي يفرون عيالهم عند الخدم ومايعرفون العيال شو سوو ولا الخدم شو يسوون بالعيال
الله يهدينا جمييع ويحفظ عيالنا وعيال كل المسلمين
هيه والله اللي مب قادرة ع تربية اليهال لا تييب عيال
حرام والله مخلينهم هايتين ف الشوارع و السكيك ومب رايمين ع تربيتهم
و معظم امهات هالأيام مايدرون عن عيالهم وفارينهم ع الخدم
مادري كيف تحط راسها ع المخدمه وهي ماتدري شي عن عيالها
ترى الضنا غالي والام مسؤله عن رعيتها يوم القيامة الله يصلحهن يارب