السلام عليكم
حد يفهمني ليش جامعة خليفة مانعة النقاب والغشوة على الطالبات ؟؟ ما فهمت ليش؟؟
في نفس الوقت يسمح للطالبات بلبس الملابس الفاضحة ووضع المكياج ؟؟
يعني لو وحدة شاطرة ومقتنعة بالنقاب وما حد غاصبها وتبي تدرس في جامعة خليفة يقولولها ماشي نقاب ؟؟
والله مرات يوم اسمع قوانين مثل هذي اقول هذي بلادي ولا شو وين حرية الاختيار يعني حرية الاختيار للي تبي تحط مكياج وتلبس جينز وعباية مفتوحة
والله غريبة شو مشكلة الناس مع النقاب او الغشوة ليش جي معقدينها عندنا شو نحن في اوروبا نحن في الامارات ليش ناخذ افكار غربية او نهتم لنظرتهم ونغصب الناس يتبعوها مادري !!
ليش ما يتركوا كل وحدة بحريتها اللي تبي تلبس واللي ما تبي برايها !!! هل النقاب مخزي!!!
عجيبه بلادنا، ولا عجب، جامعه فرنسيه ،ومتحف فرنسي، واخيرا قاعده فرنسيه
والحين قلدنا فرنسا في مسأله النقاب،
ماقول غير
viva la resistance
انتظروا علينا كم سنه فقط وابشروا نحن داخلين على العلمانيه وبقوه!!!!!!
بركاتك يا اتاتورك
ربيعتي فنشت من وظيفتها لأنها ما تحط مكياج ولا تحب تتصور وهم غصب الا تحط ميك اب وتتصور معاهم !!!
نعود لـ صلب الموضوع ..
انا اشوف البنت صاحبة النقاب المفروض تصر على رايها دامها مقتنعه بالنقاب
وآخر شي غصبا عنهم بيقتنعون وفي طرق وايد يقدرون يتأكدون من خلالها اذا اللي لابسة النقاب
هي فعلا الطالبة المسجلة معاهم ولا … بس مادري منو عطاهم حرية فرض مثل هالقوانين الواهية !
الله المستعان ….
سؤال بريء: الي اين تتجه ابوظبي بسبب الاعتماد على الاجانب والعرب المتأجنبين؟؟؟