تم إيقاف الأستعراض حتى إشعار آخر

30 thoughts on “تم إيقاف الأستعراض حتى إشعار آخر”

1. هذا لي يخاوي معثر

   يعل سمحولي على اني اقول الرمسه هاي

   عيال العرب ما تحق على عمارها هاي لعلوم

   الا هذا ضرب هذا وهذا تلاسن فيا هذا وهذا مادري شوه سوى

   خس الله الربى يوم الا على هاي الشاكله

   ويا خواني مادري وش من الفايده لاقين فيها من الاساس سواء لي يروح ولا لي يستعرض شي غير دمار وخراب مال وحلال وتهليك نفس

   مادري متى بيعقلون ولا اعرف متى حكومة راس الخيمه بتم اطالع هاي المهازل ولا تتخذ فيها قرارات حازمه

   الله يعين بس

2. خلاص الحين حددوا الاستعراض من

   الساعة 2 الظهر ولغاية 7 المغرب

   ولحق ما تلحق .. ^_^

3. 
   بوغانم
   متسابق تحت التدريب تاريخ التسجيل: Nov 2005
   المشاركات: 111

   ——————————————————————————–

   الصرااحه السالفه (الضرابه) الي استوت ف عواافي .. ما يحتاي اني اعلق عليها ..

   هاي سالفه الضرابه الي استوت ف عوافي :

   السالفه وما فيها انه واحد كان يستعرض من العين اضني .. وواحد من الجمهور قاعد يعلق عليه ومادري شو قاله .. ما يعرف يلعب وشو هاا …الخ

   المهم كان عداله شباب ربع الي يستعرض .. وطبو فوقه فوق ال 15 واحد .. وانقصت ايد الريال عند باب الحلبه ..

   الريال الي انقصت ايده من راس الخيمه اظني .. والشباب الضاربين من العين ..

   طبعا هالسالفه من واحد من الربع جاف السالفه جي جدام عينه ..

   والله الواحد شو يقول .. يعني كل هاا عشان قال كلمه او علق ..

   No comment والله يا اخواني .. صدج شي يعور القلب من شبابنا .. وكلمه اطفاال شوي ..

4. بصراحه منطقة عوافى حلوه وخاصه بالشتاء بس اتمنى انه الاستعراض هذا ينلغى عن بكرة ابيه لانه فيه ناس ( جهله ) يعنى ما يستاهلون حد يسويلهم سالفه والمشكله الاكبر انه صارت مسالة الاستعراض احزاب وهذا بحد ذاتها تسبب مشاحنات ومشاكل احنا فى غنى عنها واتمنى من الشرطه التحقيق فى القضيه ومعاقبة المتسبب وكل من شارك بالسجن لمدة لا تقل عن 5 سنوات ليكونوا عبره لغيرهم من الشباب.

5. ليش امسوين حلبه حق الاستعراض اصلا” من اساسه

   والقهر انه الشرطه اتنظم دخول السيارات وخروجها

   وطبعا” برسوم على ما اعتقد 30 درهم للاستعراض لمدة

   خمس دقايق او اكثر

   وطبعا امسوين طابور سيارات لدخول الحلبه

   واول ما تدخل السياره عيب عند صاحب السياره

   اذا ما يفجر التاير

   والشباب مستانسين ويصفقون وامبسطين

Comments are closed.