الأخــــوة الأعضـــاء الكــرام ، ، ،
أرجو تقيـيــم السيارة التالية :
( إذا تسوى السعر المطلوب فيها والا لا )
لكزس ((( خليجي )))
LS 430
موديل : 2006
اللون : أبيض لؤلؤي ومن الداخل بيــج
السيارة ماشية 100 ألف كيلومتر تقريباً
جميع التشييكات في الوكالة
وخالية من الحوادث والصبغات
بس السعر المطلوب فيها 195,000 درهم
نوط ينطح نوط
———————————–
أرجو النصيحة والمشورة من أهل الخبرة
خصوصاً اللي متخصصين في الــ LS 430
والله انا استخدمت هذا وهذا
وعادي الاثنين زينين
بس الفرق في الخليجي انه بدون هيدروليك ورادار وكمن فص وفي الخلف بس تدفئه وفي فرق في نوعيه الجلد
بس كاستعمال واحد وكقطع غيار ترا وارد امريكا ارخص بوايد وايد عن الخليجي ومتوفرة بكثرة كمستعمل وجديد ومحد يقول مش متوفر
والي يقول خليجي يقول سبب مقنع مقنع
غير الخراب لان الخراب الاثنين نفس الشي بالضبط والتصليح ترا الفطيم بيقص بيقصك وطبعا بتضطر انك اتصلح برع لان الحين الكل الكل يشتغل في اللكزس وبرخص كانه كورولا فانت احسب هالشي في بالك انك مابتصلح في الوكالة اي شي
المهم انت ونفسيتك
ومشكور على المديح والحمدلله المهم السمعة الطيبه واي شي ان شاء الله بقدر افيدك
والاسعار الي عطيتك اياها انا كتاجر في هالسيارات ماشتريها بهالاسعار والي يستخدم هذا سعرها
الغالي انا بعطيك التقييم التقريبي وطبعا التقييم يكون على حسب الطلب
اذا السوق كان يطلب 430 شرات شهر يناير وفبراير ومارس ترا الموتر سعره حلو
والحين المطلوب 460 ولكن بعد ترا السوق نايم في البيع يعني الناس في سفر ومحد يفكر يشتري والاغلب يفكر يبيع لان في ردة السفر بتكون موديلات جديده بانتظار الحجز
والسيارة بعطيك سعرها في هالشهر
مابين 1-185
يعني لو اقل من هالسعر انت محظوظ وتقدر تشتري وانت مغمظ واكثر من هالسعر ترا زيادة حتى لو ماشيه شوي
2004 مابين 155-165
2005 مابين 165-175 او اكثر بشويتيم
2006 مابين 180-190 وهذا سعرها في السوق
والامريكي الالترا اكثر عن الخليجي في المواصفات وسعرها اقل عن الخليجي بشوي يعني في حدود ال 10 الاف فقط بس الالترا
وفي نوعين خليجي لان في نوع الطبلوم مش خياطه وهذا ينقص من السعر ويجي نوع من داخل مش هيليوس او شاموا (يكون بيج غامق) بعد يأثر في السعر
ولا اخد يقول ان في وحده من شهر او من يوم انباعت بهالكثر او هالقد هذا سوق وفيه طلب وعرض ويوم فوق ويوم تحت
وعلى فكره من سنه ونص السيارة كانت تسوى اقل وحتى في اوتو مول كانو عارضين وحده ماشيه عشرين الف ب 195 ونظيفه حيل وكفايه انها من الوكاله مع ان ماكان نازل 460 ويوم نزل مسك سعره وبعدها مانزل شي وهذا يعتبر ارتفاع في السعر لو تم على سعره فتره طويله
ونصيحتي لك حاول تاخذ بين السعر الي انا حطيته لك وكل مانقصت ات بتكون شاطر في الشروا
وبالتوفيق وتراها سيارة لها سوق ولها جيمه والكل يشوفها بنظره جمال في الشارع
اخوي من خلال خبرتي المتواضعة اشوفه سعر عالي جدا
لاني من فترة حطيت مطلوب لكزس نفس المواصفات الي انته طلبتها
صراحة 2006 ابيض خليجي
تترواح بين 185 الي 195
وحصلت وحدة ماشية 18000 مطلوب 190
صراحة اشوف السعر عالي جدا خصوصا الشكل تغير ومر عليه 2 سنتين
نصيحة اخوي لا تشتري وحط اعلان في الجريدة مطلوب كذا كذا وراح تحصل
لان بصراحة ربعنا وايد رافعين الاسعار
موديل 2005 بحدود 160 الف اسعارها ما بين 155 الي 165
2006 ما بين 170 وتحت