السلام عليكم
كنت اسمع عن البطاله …في الجراءد…في المنتديات….في الراديو………ولكن كمواطن في هذه
الدوله الطيبه ماكنت احس بهذي المشكله …ليش؟؟!!!
لاني كنت موظف……
ولكن شو الي تغير وخلاني احس ؟؟؟
تركت العمل الي كنت فيه لاتفرغ للدراسه والحمدلله خلصت الدراسه
ولكن!!!
يوم جيت ابا اتوظف قدمت في كل مكان ….ولا خليت هيئه ولا دائره في العين الا وقدمت فيها
وكنت فرحان وضامن اني بحصل وضيفه (فرحان بالدبلوم العالي الي عندي)
مر شهر……شهرين……..ثلاثه………..اربع…….. ….لاحووووووووووووووووووووووووووووووول
شو السالفه!!!!
هل الدوله مافيها وضايف!!!
هل اعلانات الوضائف مجرد دعايه !!!
قمت احس بأني عاله على المجتمع …..وعلى بيتي …وعلى اهلي………….حتى على عائلتي الخاصه
المكونه من ثلاث اشخاص!!!
والله حسيت بالبطاله……..وحسيت بالناس الي يئسوا من البحث على وضائف…
يا جماعه قامت تجيني افكار غريبه عجيبه بسبب الفراغ ……
هذا حال كل انسان بطالي….
واقول يا اخوان يا موظفيين قولوا الحمدلله….
ويا هيئات ودوائر وشركات اتقوا الله في انفسكم واعطوا كل ذي حق حقه وفكونا من الواسطات…..
حبيت اشاركم بهمومي وهموم كل شاب وشابه امارتي
ووكلت الله امري …..فهو خير ولي وخير نصر
اللهم لك الحمد……
لا تعب عمرك في العين ما بتحصل الا بواسطة
يعني ويا السيفي لا تنسى تحط ورقة التوصية
اسمحلي اخوي بس مب شرط انك تشتغل في العين شوف لك وظيفه في ايوظبي
ولا يمكن انت حاط في بالك راتب عالي ومابترضى راتب عادي
انا من سكان الغربيه ونفس الشي خلصت الكليه ومالقيت وظيفه حكوميه اشتغلت في القصاع الخاص وبراتب 4000 وفي ابوظبي ويلست وياهم فتره لين ما كسبت خبره بعدين حصلت وظيفه براتب احسن 7000 والحين الحمدالله اشتغلت بوظيفه راتبها ممتاز اهم شي اتكون عندك اراده وصبر وانشاء الله الامور تتيسر
ارضى بالقليل ياتيك الكثير
السلام عليكم بو أحمد في شركة عقارات أدور مواطنين طبعن المقر في دبي والراتب على مأعتقد 20 الف وان شاء الله أيب لك رقمهم
الحمدلله رب العالمين انا عارف نفسي ماعندي واسطه ولا كان من زمان طلعت من شغلي
انا لين ماشتغلت كملت سنه ونص بدون شغل
والحمدلله على كل حال والله عينك ياخوي وعليك
بكثر الاستغفار والله يوفقك