السلام علييكم ورحمة الله وبركاته
أخواني وخواتي طبعن محد فينا يعارض انه نكون مثقفين ونتعلم لغات تفيدنا فحيتنا العامه والخاصه … ع العموم حبيت اخذ رايييكم في موقف اليوم صارلي بنت واختها وامها يكلموون بعض جدام الناس فالجمعيه بالانجليزي مع العلم انهم مواطنيين 100% وشوي يرمسون محلي وشوي انجليزي
تقول فلانه (we have milk??) وتموو يرطنووووون بالانجليزي والناس يطالعوونهم مستغربيين …
عنبوه يعني خقه انهم يعرفوون انجليزي ولا شو بالظبط ؟؟؟؟ 
فهل انتو تشووفوون هالشي عادي بالنسبالكم ولا لا؟؟؟
في السوق أو أي مكان أخر
بغرض وبهدف التعليم
فهذا الشي أعتبره شي أيجابي
وأذا كان التكلم باللغه الانجليزيه
بهدف غير التعليم
فالله يهديهم
ولازم نعتز باللغه العربيه ونحافظ عليها
ياخي شوفو الغرب .. انا ووووووووووووولله العظيم صارلي هل موقف شخصيا ف ايطاليا فمدينة ميلانو الصيف الي فات كنت ابي اسئل عن ترين ستيشن سئلت فوق خمسه طبعا بل انجليزي ولا حد رد علي .. بصدفه حصلت واحد شكله يوحي انه عربي طلع مغربي وسئلته ودلني بس قلتله اخوي عندي ستفسار انا سئلت خمسه ومحد رد علي منهم معقوله كلهم ما يرمسون انجليزي .. قالي لا يتتكلمون انجليزي بس ما يبون يردون عليك من غيرتهم للغتهم .. ونتم ما شالله فرحانيين يحظه يتكلم انجليزي اذا نحن ما نفتخر ونتشرف بعروبتنا تتوقع الاجنبي يي ويتباها بعروبتك .. عذروني طلعت من سرب الموضوع لاتلوموني من القهر الي اشوفه وقراه
انا مع تعلم اللغات لكن مع الحفاظ على لغة الام
الناس صارت تتكلم بشكل متعمد نص جملة عربية والنص الثاني انجليزية حتى لو انجليزيتهم تعبانه بس عشان يقولون عنهم متحضرين ومتطورين.هي صارت موضة لا اكثر وفيها سلبيات منها انك ما تقدر تتقن اللغتين وتكون ضايع امبينهم ورمستك تكون مكسرة اذا حاولت تتكلم بلغة واحده خاصة مع الاجانب لانك تكون اتعودت على استخدام لغتين في نفس الوقت…
في ناس ما نقدر نلومهم ويكونون مضطرين يستخدمون اكثر من لغة لسبب انهم يمكن عاشوا فترة برع او فيهم عرج اجنبي…الخ وتلقونهم يحاولون يوصلون لك الفكرة كلها بالعربية لكن احيانا يضطرون يستخدمون مصطلحات اجنبية ..
الحاصل واللي يخليك تستغرب منه استخدام جمل بكل سهولة تقدر تقولها بالعربي مثل “برد البيت” “وينكم” او ..الخ مع ناس يتكلمون بلهجتك وطول اعمارهم عايشين في البلاد…
مادري هل هو الشعور بالنقص ؟ هم يشوفون ان هالشي يعطي انطباع عند الاخرين انهم متطورين ومتحضرين..وانا اشوفه ضعف في الشخصية..عشنا ودرسنا برع لكن الحمدلله ما وصلنا لمرحلة نتعمد نتكلم فيها بلغتين بنفس الوقت بس عشان يقولون عنا متحضرين ومتطورين…
بس الجيل اليديد ما يتكلمون عربي بالمرة…شكلها اللغة بتندثر بعد جيلين ثلاث..
لا أخوي هالشئ موب عادي …..
لازم نعتز بلغتنا العربيه ……
أنا عندي هالمشكله ….وموب راضيه عن نفسي …أنا أتكلم عربي إنجليزي
أحاول ما أتكلم الانجليزيه خير شر مع ناس عرب….