سؤال للآباء والأمهات والمدرسات والمدرسين ، إلي عندهم عيال في الروضة الثانية Kg2
لو سمحتو أبي طرق تعليم الجمع والطرح، لإني عيزت وي ولدي وهو مطنش ؟؟؟
أخاف ما يقبلونا في الصف الاول لأني بنقله مدرسة ثانية قريبة من البيت،،،
الله لا يحرمنا من خبراتكم ومعاونتكم،،،
في إنتظار الردود ؟؟
أم راشد
أنا ماشوف في مشكله في الولد لآن في صف أول بيتعلم فلا تحاتي
أنا بخبرك عن تجربتي …. يوم كنت أرسم لولدي أشكال و أزيد عليهم أو أطرح منهم .. ما كان يفهم .. حتى لو يلست أعدله بالأصابع … بس يوم قمت أكلمه بالفلوس .. و أقوله .. خذ درهمين … و بعدين أعطيه درهم زيادة … أقوله كم عندك الحين … يقولي 3 …. >>> عيال هالزمن ما ايون الا بالبيزاااااااااااااات خخخخخخخخخخ
و فيه لعبة فيها دواوير حمرا و صفرا و خضرا .. مادري اذا تعرفها ولا لا .. بس هذه وايد زينة للأطفااااااااااال لتعليم الجمع و الطرح
أتمنى أكون أفدتك بس في هالسن الأطفال مستويات .. و الي ياخذونه في ال KG يردون ياخذونه في ال grade يعني لا تخاااااااااف عليه ان شاء الله ………لاحق على الرياضيات و بلاويها