مرحبا صبايا و شباب
مساكم الله بالخير
دعوه مني لكم عشان نغير الجووو شويه و نمرح ..و نضحك عليكم لوول
مطلوب الصراحه في هالموضوع بمشاركة اطباعكم الغريبه..و ايضا مشترياتكم الغريبه..لان في ناس يحبون يتشرون اشياء مالهم حايه فيها بكميات جنونيه..شحقه؟؟ ماندري
بس اهم شي اطباعكم..حركاتكم..عاداتكم اليوميه الغريبه
نتريا ردودكم الغريبه
يحليلج يا رد رووووووووووووووووووز شحقه عاد المزاج خربان
اقووولج سيري بطلي الدريشه و طالعي المطر…الحين يصب برع
يفرفش المزاج
بالنسبه للمنظره انا ما اطالع عمري وايد الا اذا بتمكيج …او قبل لا اظهر نظره شامله على السريع…بس ما اجابل المنظره وايد..امل من شكلي لوووول
اما انا عكسج..اذا مزاجي متعكر ماداني اكل … و لا اشتهي الاكل و لا افكر فيه حتى
اذا تعكر مزاجي ارقد..عادي كمن يوم ورا بعض لوووول
هههههه موضوع عجيب
انا بعد فيني طبع …….ما ارمس عمري …. بس عادي مرات ارمس الحيوانات والكمبيوتر …والالعاب .. وعادي يدخل عليه حد وانا اتحرطم ويا التلفزيون (طبعا كله اهازب) …. وما اعرف ايلس بلا زراعه
وعندي هوس اسمه “مق” = كوبات احب اشتريها حتى لو ما استخدمها كلها
اذا تذكرت شي بخبركم
شكرا دبي بيبي ع الموضوع
مستحيل ارقد و التلفزيون شغاااال..الا من فتره قريبه..قمت اسوي هالحركه احيانا من التعب.. و عقب انش ابند كل شي و اكمل رقادي…ما اقدر ارقد على اصوات و ليتات التلفزيون تسطع في اليدار
اما الشاي قبل النووووم هاي عجيبه..ترا فيه كافيين بيخرب رقادج…انا لازم الاستكانه زاهبه اول ما انش من الرقاد
و بصراحه انا بعد ما احب البرد وايد..مطر و غيوم مب مشكله..بس ما احب البررررررررررد..اتجمد …بعد ما احب الحر وايد لاني احب اسير مطاعم و يلسات مفتوحه..الجو في الصيف ما يساعد مووول
لوووول ذكرتيني بوحده كانت تخلط السلطه ويا العيش و تاكله مره وحده
الناس ياكلون السلطه ..و عقب العيش
شكلها بسرعه تبا تخلص<< تايم مانجمنت لووول
اما سالفة الدرووب هاي عجيبه…انا يوم اتضايق اسير ادووور على الممزر لين يدور راسي و الا اقبض خط جميرا..بس ما فكرت اقبض خط لووول صعبه
يا سلام عليج انتي ..شو قصدج انتي طبيعيه 100% لا ما اصدق
انا خذتلي يومين افكر لين عرفت اطباعي الغريبه
سألي ربيعاتج و بيفيدونج لووول
لان دوم الانسان عنده طبع غريب بس ما يحس به