مرحبا صبايا و شباب
مساكم الله بالخير
دعوه مني لكم عشان نغير الجووو شويه و نمرح ..و نضحك عليكم لوول
مطلوب الصراحه في هالموضوع بمشاركة اطباعكم الغريبه..و ايضا مشترياتكم الغريبه..لان في ناس يحبون يتشرون اشياء مالهم حايه فيها بكميات جنونيه..شحقه؟؟ ماندري
بس اهم شي اطباعكم..حركاتكم..عاداتكم اليوميه الغريبه
نتريا ردودكم الغريبه
حياك الله
وانا بعد عندي بعض الأطباع الغريبة
أحياناً أكلم نفسي وخاصة يوم اكون مندمجة فشغلة معينة مثلاً أطبخ في المطبخ أو أرتب البيت والشغلة اللي المفروض أخلصها فساعة اخلصها فخمس ساعات بسبب سوالفي ويا عمري لوووووول . وطبعاً زوجي يشوفني أحياناً من غير ما أنتبه ويتم يضحك علية تلاقيني أقفط قفطة ما بعدها قفطة .
ومن ناحية الشم انا شمامة درجة أولى كل شي أشمه مب بس الأكل وإذا تدخنت تلاقيني كل اشوي أشم عمري من كثر ما تكون عايبتني الريحة .وإذا دهنت يدي بكريم معطر كل أشوي أشم يدي جني ما شايفة خير لووووول.
وعندي طبع لما أنش من الرقاد على طول أطالع عمري في المنظرة
وإذا ما شي خضرة اوسلطة مع الأكل ما أحب أكل .
وقبل كنت كلما تضايقت أحط حرتي في الأكل لكن الحين لا يوم أتضايق تنسد نفسي هذه نعمة أحمد ربي عليها .
وإذا كنت بروحي مستحيييييل أرقد في الظلام أخاف
وإذا تذكرت شي بقول ^_^ ليش تم شي بعد
شكراً عالموضوع
تحياتي لج
موضوع حلو
أنا عن نفسي أحب أسأل وايد أسأل عن كل شي المفيد أو الي ما يفيد فضولي درجة أولى كل شي لازم أعرفه
اذا سألت شخص عن شي و جاوبني أسير عند غيره و أسأله للتأكيد ومب قصدي أكذبه بس طبع فيني مثلا أسأل أخوي عن تلوفوني اذا شافه يقولي في المجلس مفرور و أنا أمشي و حصلت أخوي الثاني أرد أسأله نفس السؤال
دور عــدل ،، بتــشــوف شــي هنــي هنــااك !!
شــو قــالولك نحــن !!
مانــرقد عــادي !!
مانــاكل عـادي !!
ما نتصــرف طبيعــي !!
ليــكون تتحــرانــا من زحـل ولــه عــطاارد !!
=============
” فــاء ”
ماشــي فــايده !!
ظهــري المستخــبي !!
بدينا يالفضايح
بس موضوع عجيب
عن نفسي
احب اشم قلاص الماي قبل لا اصب الماي ولا العصير فيه