((( تصميم الأزيـــاء ::: ودي اعرف رأيكم )))

39 thoughts on “((( تصميم الأزيـــاء ::: ودي اعرف رأيكم )))”

1. 
   
   

   كبير ياكبير

   بس التذكرة على حساب منو؟؟

2. وبالتوفيق ان شاءالله

   والله كلام سليم 100%

   ماشاء الله

   أخوي عبدالله أنته انسان مبدع أو Creative ماشاء الله

   ممكن ابداعك يروح لنشاطات أخرى أو مثل ما قالت الأخت تصمم أزياء لاتخرج عن المألوف الخليجي

   ممكن مثلا تطور المخور أو الجلابيات أو مادري شو أساميهن

   أو ممكن تدخل مجال تصميم الديكور وهذا عباره عن شهاده جامعيه

   ما أشجع تصميم الأزياء النسائيه التقليديه أبدا

   أنا أعرفك من فتره بسيطه حالي حال أي واحد فالمنتدى بس أعزك معزه خاصه وما قلت هالكلام الا أني عادنك أخويه الصغير

   

   الله ييسر أمورك ويجدملك الخير يااارب

3. هلا اختي

   انا مريت على محلات وايد اتبيع الجاهز
   و شفت تشكيلة (( زهير مراد )) عند مانجو، وصراحة لو كنت مكانه بحافظ على اسمي
   لأن التشكيلات الجاهزة أغلبها شكل خارجي فقط و الخامة و الخياطة
   والاكسسوارات و الفصوص و الكرستالات شيء مو لهناك
   المهم كل واحد وله ذوقه

   شكرا لمرورج

   ترى نحن يهمنا الشكل الخارجي

   والفستان ما نلبسه الا مره وحدة واذا كل مره بندفع 6000 ولا 7000 على الفستان حراام الصراحة تبذير

4. السلام عليكم اخي مصمم اماراتي

   تبا الصراحه احس مهنه فيها عيب بعض الشيء

   يعني ما تناسب موووووووووول الرجل الاماراتي او العربي اصلن

   كما هو معروف من المصممين الميوعه والسمعه الغير طيبه

   وها اللي ما نرضاه على اي شاب اماراتي طموح

   بعدين ما اتخيل باجر اتسير تخطب ينشدون عنك وعن وظيفتك اتقولهم مصمم ازياء نسائيه احسبها فيها تلويم

   موووووووووووووووووووووووووووول لا تفكر في ها المهنه

   ولازم تبداً بتغيير نكك في البدايه ولا تزعل مني ،،

   يعني انته ماشاء الله متزن في تصرافك وحكيم في ردودك احس حتى النك مب لايق عليك ،،

   وبعدين لا تنسى انه المصمم من واجبه ايشوف لون بشرة المرأه وتفاصيل جسمها عشان يحدد اللون المناسب لها ويحدد المناطق اللي فيها عيوب في جسمها ويحاول يخفيها

   اخيييييييييييه مول ما اتخيل

   ما انصحك واتمنى تتقبل رأيي بصدر رحب

Comments are closed.