بسم الله الرحمن الرحيم
السلام عليكم ورحمة الله وبركاته
إخواني سبق إني كتبت موضوع عن JIAOLI CREAM
وكتبت تحذير عنه بس في الموضوع السابق التنبيه كان استناد على آراء ناس في منتديات عربية واجنبية
ولكن ألحين
ارفع لكم نسخة من نتيجة تحليل JIAOLI CREAM
النتيجة
النتيجة مثل ما تشوفون
الكريم يحتوي على كميات كبيرة من الزئبق
تقدرون تسيرون Google.ae وتشوفون تأثير الزئبق على الجسم
وطبعا مختصر ما قريت انه يمكن يسبب الوفاة .. يضرب المخ ويسبب الجنون ومن بعده الوفاة .. أكزيما بكزيما ما أعرف شو كان مكتوب .. سرطان وغيره
القرار بيدك
بسعر ؟؟؟؟ تقدر تشتري JIAOLI CREAM
وبنفس المبلغ تقدر تحافظ على صحتك
بياض بشرتك ولا صحتك انت تختار
أرجو نشر النتيجة للمنفعة العامة
إخوكم
فارس الإسلام
مشكور اخوي ” فارس الاسلام ” على التحذير
واتمنى أي شخص يبيع هالمنتج سواء من المنتدى
أو غيره انه يتوقف عن بيع مثل هالكريمات المستوردة
وغيرها من المنتجات مثل ازالة الشعر والكحل وغيره
انهم يفحصون المنتجات قبل البيع وشكرا
لك اخوي مرة اخرى
انا كلمت دكتور جلدية
ونصحني بتوقف من استخدامه
وقالي ان استخدامه اكثر من شهرين او ثلاثة اشهر راح تسببه مشاكل
ريال فيه الخير وماقصر والله يوم انه حط هالموضوع
والاخ فارس الاسلام مب قصده انه يخرب على تجارة احد او شئ من هذا القبيل.
لكن اتمنى من الاعضاء الاخرين اللي يبون يعرضون منتجات تبيض او منتجات ازالة الشعر انهم يفحصونها قبل كل شئ.
ولو انه هالمنتجات مالها اي ضرر كانت شركات كبرى صنعت نفسه مثل اولاي ولا نيفيا … وشركات اخرى.
لكن هالمنتجات مجهولة التكوين.
و الله يبعد عنا وعنكم كل مكروه
لا حول ولا قوة الا بالله …
ظهرت هالكريمات بالمنتديات بطريقه فظيعه ولي تبا تبيض ولي تبا تحمر خدودها …
الله سبحانه وتعالي خلقنا باحسن صوره فليش انحاول انغير من اشكالنا …
ولي شاك بالموضوع وهب مصدق التحذير ياخذ الكريم ويفحصه سواء بدبي او باماره ثانيه ..
والاهم مالاداعي نشكك بكلام الاخ فارس الاسلام شو اللي بيخليه يقول هالكلام الا من خوفه على اعضاء المنتدى والاخرون …
يزاك الله خير على التوضيح والتحذير
ومعروف دايما ان الكريمات هذي تحتوي على نسب عاليه من الزئبق حتى تتم عملية التبييض بسرعه ولا كيف بتبيضون خلا ل عشره ايام
ثاني شي إذا تبون تعرفون ان اي كريم فيه زئبق ولالا
خذو شويه من الكريم وحطوه في الفويل ( السلفر ) اللي نغلف فيه الاكل وخلوه لمدة ساعتين ثلاثه بتلاحظون الكريمات اللي فيها زئبق راح يتأكل الفويل ويتغير لونه وهذا بسبب الزئبق اللي فيه واذا مافيه طبعا ماراح يصير شي للفويل