بسم الله الرحمن الرحيم
السلام عليكم ورحمة الله وبركاته
إخواني سبق إني كتبت موضوع عن JIAOLI CREAM
وكتبت تحذير عنه بس في الموضوع السابق التنبيه كان استناد على آراء ناس في منتديات عربية واجنبية
ولكن ألحين
ارفع لكم نسخة من نتيجة تحليل JIAOLI CREAM
النتيجة
النتيجة مثل ما تشوفون
الكريم يحتوي على كميات كبيرة من الزئبق
تقدرون تسيرون Google.ae وتشوفون تأثير الزئبق على الجسم
وطبعا مختصر ما قريت انه يمكن يسبب الوفاة .. يضرب المخ ويسبب الجنون ومن بعده الوفاة .. أكزيما بكزيما ما أعرف شو كان مكتوب .. سرطان وغيره
القرار بيدك
بسعر ؟؟؟؟ تقدر تشتري JIAOLI CREAM
وبنفس المبلغ تقدر تحافظ على صحتك
بياض بشرتك ولا صحتك انت تختار
أرجو نشر النتيجة للمنفعة العامة
إخوكم
فارس الإسلام
هذا نص متقبس من أحد المواقع الأجنبية
اقتباس:
Just so you know, the Jiaoli cream from petitprizes was sent to a lab and it does in fact contain mercury (high amounts actually). They said it can get into you system through skin and inhalation.
وبعد أتمنى إنك تفحص الكريم وتييب لنا تقرير يبين ان ما فيه شي
والله ياليت الصراحة لأن الكريم محد ينكر آثاره المذهلة .. طبعا كله بسبة الزئبق الزائد
وعقب ما توقف بشرتك تسود أكثر عن قبل
ولكن ياليت تييب لنا تقرير يبين عكس الكلام اللي انذكر ويتم تثبيت موضوع ان JIAOLI Cream ما في أي أضرار
ولي ما تبان انت والتقرير ننصح الناس إنهم ما يستخدمون المنتج
فدرهم وقاية خير من قنطار علاج
فااااارس
أول شي يا هلا وسهلا بالدكتور البروفوسير
أول شي تقول هذا التقرير ظاهر من رأس الخيمة ؟؟ شو تقصد بهذا الكلام ؟؟ هل تقصد تقلل من قيمة رأس الخيمة مثلا أو شو السالفة ؟؟
أونه اذا من دبي بنصدق .. والله اذا هذا تفكير .. الله يعينك على هالتفكير .. ردك ولا أروع
هذا أحلى كلام قلته في ردك
ما علينا بخبرك المنتج تم تحليلة في مختبرات في أبوظبي واذا تبا ود المنتج دبي وخل يجيكون عليه
ان شككت في التقرير
وبعدين ناقضت عمرك تقول لا عادي كل الكريمات تحتوي على زئبق ولكن بكميات مختلفة
ممكن أعرف من وين لك هالمعلومة
علما ان المسؤولة أكدت لي ان نسبة الزئبق في المنتج المذكور بشكل كبير
وشو تعرف عن تأثير الزئبق
آخر شي أحلفك بالله وأتمنى ترد علي
انت تستخدم المنتج ؟؟
اذا ما عيبك التقرير وما عيبتك راس الخيمة علما ان المنتج تم فصحه في أبوظبي
استخدم المنتج أو تاجر فيه دام ضميرك مرتاح
فارس الإسلام
هلا اخواني ها التقرير ظاهر من راس الخيمه نحن في دبي كل يوم انطرشلهم لجنه اتفتش عليهم
في حال انه من دبي بنصدق وبيسحب من الاسواق
وكل الكريمات تحتوي زئبق مستحيل كريم في السوق مافيه زئبق بس النسب مختلفه كل كريم نسبته تختلف عن الثاني ….بخصوص التقرير ترا كل الكريمات فيهم
والسلام ختام
الريال يايب تقرير مصدق من وزارة الصحه ويسوي خير يزاه الله الف الف خير وتقولين عيب عليكم ؟؟!!!
لاحول ولا قوة الطمع جذا مسوي فيج !!!
اختي اذا عندج بضاعه من هالمنتج طايحات في جبدج انا بشتريهم منج وبشوفلي اقرب زباله بفرهم .
وخلي نفسج مكانا لو مثلا انا ابيع هالمنتج وانتي اشتريتي وعقب شفتي انه زئبق . شو بتسوين ؟؟
اظني اقل شي بتسوينه هو التبليغ .
واظن هذا ما يجب القيام به .
والسمووحه