السلام عليكم
حبيت احذركم ونتو براحتكم
في محل اسمه (بادشا) في أبوظبي_مصفح_السكراب
طبعا يتاجر بقطع غيار اللكزس بسعار خياليه جداااا ماتدخل العقل
الشغله الثانيه لاحد يفكر ابدا يترك سيارته عنده سواء يبدل مكينه او قير او غيره
لانه الريال شغال سرقه بقطع السيارات وعليه قضايا كثيره والغريب انه محله ماتبند
يعني مجرد انك توقف سيارتك وتروح هو يبدأ يفتح القطع الممتازه ويستبدلها بقطع قديييمه من عنده
تقريبا اسبوعيا لازم دوريه قدام محله ومشاكل وضرابات
فنصيحه للجميع لحد يقرب صووبه الا اللي بايع سيارته وعايفها
وماعلى الرسول الا البلاغ
والسلام ختام
تسلم اخوي على النبيه
وانا عن نفسي اشتغل بسياراتي بإيدي الحمدلله ولو شي صعب علي اوقف جدامه واعرف كل قطع السيارات اللي عندي
نصيحه للي بيشترون اي موتر ما يعرفون عنه شي حاول انك ادور دليل قطع الغيار او طريقه التصليح وتعلموا شي ما بتخسروا شي معلومه على الاقل تعرف سيارتك شو فيها
جزاك الله خير
وشكراً على التنبيه
وفعلاً اكثر اصحاب السكراب والكراجات شغل سرقه وتخريب وتكسير
على فكرة اصحاب السكراب مستغلّين الخلق على كيف كيفهم وخاصة يوم يشوفك محتاي
والله العظيم في بعض الاوقات يبيعونك قطعة بسعر أغلى عن سعر الوكالة
وشي قطع مستعملة يبيعونك ايّاها بسعر الجديد بالظبط
وشي قطع يبيع لك ايّاها أرخص عن سعر الوكالة بشي بسيط ..
يا جماعة الخير نصيحة … حاولوا قدر الامكان انكم تشترون القطع من الوكالة او من محل قطع غيار اصلي وجديد والله احسن بوايد
بعض الامور من السكراب اتكون مستعمله وتشتريها بالسعر الفلاني ولكن لفتره محدودة وترجع تخترب ..
يعني تخسر مرتين على الفاضي …
والقهر انّه أكثر مال السكراب شايفين انفسهم ..
وخاصة اللي بمصفح .. بنقاليّة خخخخخ ويكلمونك من خشوومهم كأنّك ياي تشحت من عندهم ..
والمشكله يكلمّك بوقاحة ويعطيك سعر خيالي .. ويوم تتجادل معاه يقولّك (( يريد يريد .. مايريد خلّي ولّي ))
هههههههه أبوو بَنْقَل مصيبة يوم يتاجروون هع هع
شـكــ وبارك الله فيك ـــرا لك … لك مني أجمل تحية .
للعلم بادشاه كان يشتغل عن الفلسطيني اللي بالزاويه المقابله له على اليمين ناسي اسمه واشتغل عنده حوالي 15 سنه (عامل)ولا اقول طول المده كان يسرق القطع ويبيعها لحسابه الخاص لا ابد هههه وقبل 7 سنين فتح السكراب من عرق يدينه قصدي جبينه مو من اموال حرام لا ابد حاشاه
يقول المثل ابوطبيع ما اييوز عن طبعه