انتشرت في الفترة الاخيرة في بعض المنتديات موضة بيع اجهزة الريسفرات الي تشغل القنوات المشفرة مثل شو تايم واوربيت وغيرها
احب انبه الجميع ان هالاجهزة ممنوع بيعها داخل اسواق دولة الامارات
وان الي يبيعها يرتكب مخالفة قانونية صريحة ببيع وترويج مثل هالاجهزة؟
لانه ببساطة خرق قانون حقوق الملكية الفكرية والرقمية لدولة الامارات الي يمنع اي شكل من اشكال القرصنة ومن ضمنها القرصنة على القنوات الفضائية المشفرة
والشي الاعجب انك تشوف انهم عارضين بكل جرأة ولا خوف من المحاسبة القانونية اسامي شبكات البث الفضائي الي يخترقها مثل اوربت وشوتايم وغيرها !!
وجميعها لديها مكاتب وفروع داخل الدولة والي يسهل عليها الوصول للشخص المعني قضائيا ومحاسبتك قانونيا
والشي الاهم ان البعض ذاكر ان الجهاز عليه ضمان سنة من الوكيل؟؟؟؟؟
اي وكيل هذا الي ؟؟ اذا كانوا الهنود يبيعونه بالدس وهم خايفين ان حد يزخهم ويسكر محلهم
ووين حقوق المشتري يوم يخرب الجهاز ويبغي يستفيد من الضمان..
هل الضمان القائم على شي غير شرعي او قانوني يثبت الحق للمستفيد؟
طبعا لا… لان القاعدة تقول مابني على باطل فهو باطل
في النهاية احب اذكر الجميع ان عقوبة مثل هالاشياء توصل لحد التوقيف مع الغرامة المالية ومصادرة الاجهزة
وتحياتي للجميع
شكرا عالموضوع بس لكل شخص حريت الاختيار
إسمحلي أنا أخالفك الرأي لأنة هذا الرسيفر المشفر أول شي بشتريه بفلوس مش ببلاش ولا بسرقة وثاني شي الحمداللة نحن في دولة متقدمة وبإمكانهم لو يريدون يمنعون هذا الشي وبعدة طرق ولكن دام الدولة مش مانعتنة شو المانع ؟؟؟؟؟
وبعدين الأسعار اللي عندنا مبالغين شوي فيهن روح شوف الأسعار في الدول اللي بجوارنا كيف !!!!!
’
كلام في الصميم
مشكورة الشيخة على عقلانيتج في التفكير
وهذا الي كنت ابا اوصله للاخ يعني هو يبيع ريسيفرات تفتح القنوات المشفرة فهو داش في الحرام من اكثر من صوب :
ياكل مال حرام عن طريق انه يتعدى على حقوق الغير .
والكل طبعا يعرف ان القنوات المشفرة في نسبة كبيرة قنوات اباحية
وهو طبعا ادرى الناس بهالشي
فهو يساعد على نشر الفساد في بيوت المسلمين
والاية الكريمة تقول بصريح العبارة والكلام موجه للاخ :
“إن الذين يريدون أن تشيع الفاحشة في الذين آمنوا لهم عذاب أليم في الدنيا و الآخرة “
والله يعلم هل يقتصر هالضرر على المشتري ولا يتجاوزه لعياله واخوانه
يعني الريال داش في الحرام وفي مخالفة القانون
عيل انا بقولك هالرمسة على نفس اسلوب تفكيرك :
شو اللي جابرني انني اشتغل واكد واتعب عمري في دوام من الصبح لين المسا
دام اني اروم اسرق بسهولة واطلع الملايين (اذا لقيت فرصة او مال سايب طبعا )؟؟
ها شو رايك