تبديل سفايف اللكزس Gs 430 2007

19 thoughts on “تبديل سفايف اللكزس Gs 430 2007”

1. اخواني كم سعر السفايف مع تبديل حق لكزس ال اس 460 جدام

2. ييتكم بالخبر الأكيد ان شاء الله و لو انه متأخر بس ييفيد كثيرين.
   أنا عندي جي اس 430 2007 و كل ما أبدل سفايف عند عمر مشتاقو لا أي اي كراج غيره يظهرلي ليتات البريك و abs على الطبلون (عمر مشتاق يقول لازم برمجة هذا كمبيوتر) الصراحة عمر مشتاق يسولي البرمجة مجانا. بس اذا بدلت عند حد غيره ادفع اقل شي 100 درهم برمجة. واخر مرة اخترب عندي قطعة abs لازم تبديل. سعرها يديدة 5000 درهم ينطح درهمين.

   بعد المعاناة مع سفايف الجي اس. بدأت بلبحث عن الحل، وطحت على كتيب تصليح السيارة من المصنع الخاص بالكاراجات المعتمدة.
   الخطوات كالتالي(طويلة شوي حتى الوكالة ما يستخدمونها، ما ادري ليش):
   1- تفصل فيوزات abs عددهم 2 (هذا في 8 سلندر بس)
   2- تصريف زيت البريك.
   2- تبدل سفايف كالمعتاد
   4-عن طريق الكمبيوتر تطفي تحكم البريك الكهربائي.
   5- تعبي زيت البريك.
   6 تفرغ الهوا.
   7- رجع الفيوزات.

   تفريغ الزيت خطوة مهمة لان أنظمة ال abs حساسة و اذا دزيت البستن الي على السفايف يرجع الزيت لين علبة الزيت فوق. و بالتالي الصدأ و الوسخ الي في البيب يتراكم في قطعة ال abs لين ما تخترب. هذا الكلام ينطبق على كل السيارات الي فيها abs لكن بعض الأنظمة تكون حساسة أكثر.
   طريقة أسهل انك تبدل السفايف كالعادة بس قبل ما تدفع البستن افتح برغي تصريف الزيت. و تضيف زيت بعد ما تخلص.

3. ثاني شي محل عمر المشتاق : سرت عنده البارحه تبون الصدق كل اللكزات اللي عنده مشاكل و برمجه مكينه ما حصلت حد عنده يسولف عن اشياء ثانية (الله اعلم ما بظلم الريال ) بس قلي انه بيبدلي السفايف

   انشالله من الصبح بسير الصناعية وبشوف كراج الكوكب و بعد كثير من الشباب نصحوني بمحل الميزان الوطني وانشالله الله يقدر اللي فيه الخير

   ra3y_f3ayl
   توصا فينا

   صبحكـ الله بـ النور والسرور..
   ومثل ماقلت .. عمر مشتاق استاذ في شغل البرمجه.. هب في السفايف وشغلهن!
   وبـ خصوص خراطة درامات اللكزس فوريـــــــــــل.. عمره ماخرطهن!
   ^_^
   وماعليكـ .. أفا عليكـ .. حاضرين للطيبين..

4. صبحكم الله بخير يا جماعة الخير

   مشكورين وما قصرتو على المشاركات الجميلة والمفيده
   بالنسبه موضوع بدل في الوكالة وفك عمرك بالنسبه لي خلاص مليت كل مره ادفع ذاك المبلغ على شي أنا متأكد انه في محلات يسونه بشكل أوكي نفس الوكالة عسب جي طلبت المشوره من أهل الخبره في هالموضوع وبعدين مب معقولة كل الناس تبدل في الوكالة

   ثاني شي محل عمر المشتاق : سرت عنده البارحه تبون الصدق كل اللكزات اللي عنده مشاكل و برمجه مكينه ما حصلت حد عنده يسولف عن اشياء ثانية (الله اعلم ما بظلم الريال ) بس قلي انه بيبدلي السفايف

   انشالله من الصبح بسير الصناعية وبشوف كراج الكوكب و بعد كثير من الشباب نصحوني بمحل الميزان الوطني وانشالله الله يقدر اللي فيه الخير

   ra3y_f3ayl
   توصا فينا

Comments are closed.