السلام عليكم ورحمة الله وبركاته
اشحالكم عساكم بخير
اتمنا انه عدد كبير من الشباب يدخلون ويفهمون الموضوع
مثل مانعرف ان في مناطق يزخون الشباب على ادناة الشي ويمكن حتى الفلتر
لكن انا درست الموضوع و وصلت لنتيجه ان موترك يكون عزمه يعجبك لكن بدون صوت يعني حس الوكاله بس
بتقولون كيف .؟؟ انا ما برمس عن الفلتر لان الاغلبيه يركبون كي آند ان
بس برمس عن الهدرز و ( الدبة ) الوسطانية .. انزين كلنا يوم انزود نركب هدرز و الدبة ياتكون اوف رود وتكون مزعجه او انها داينمكس وفكلا الحالتين ينعرفون لانهن ما يعزلون الصوت
انزين بسألكم حد منكم يعرف ان شركة ( magnaflo ) الامريكيه تصنع دبات للنيسان والاستيشن بحجم ثلاث انج وكاتمه بنسبة 70% من الصوت
هالشركه معروفه عن تصنيعها للاقزوزات لاشهر السيارات وتقدرون تستفسرون عنها من خلال قوقل
الخلاصه هي .. اني خاطبت الشركه عالايميل و اكتشفت انهم يقدرون يصنعون دبة تكون عازله للصوت بنسبة 100% مثل حس الوكاله لكن تعطيكم أحصنه وعزم حلو
بس ما يقدرون ينصعون دبه ولا دبتين ويشحنونها … يبون مجموعة من الدبات يصنعونها يعني لازم الي يبون هالدبة يكون عددهم ما يقارب ال 9 او 10 اشخاص عشان ينصعونها
وسعر الدبه ما يقارب من 1000 درهم لأ 1200
طبعًا الاغلبيه يقولون ليش ندفع هالمبلغ على دبه … وانا اقول ان الدوريه لو توقفك ما بيعرفون الموضوع وبتحس بفرق العزم من دبة الماقنا فلو وبين الاوف رود والداينمكس وثاني شي بتكون مركب شي اصلي لموترك وهاي كوالتي و من شركه مشهوره
انا عن نفسي درست الموضوع واول خطوه سويتها ركبت فلتر itg بدالk&n
واكتشفت العزم اكثر و حس وكاله وهالفلتر يركب على بيبات الوكاله يعني الي بيبطل البونيت مابيشوف غير فلتر الوكاله
فآ تخيلو يعني … فلتر ريس مافيه حس + دبة مافيها حس + راس هدرز تغطيه بعازل الوكاله يعني عالبراد موترك يطلع 40 حصان وهو على حس الوكاله
فآ خلاصة الكلام الي يبي ياخذ الدبه ويايه يطرشلي رساله خاصه او يتصلبي لاني ادور ناس يشترون وياي الدبه ونكمل العدد عشان اخاطب شركة الماقنافلو ويصنعون لنا دبه فيها عزم بس حس وكاله
والسموحه عالاطاله وهذا رقمي
0506888980
الربع اي استفسار عالرقم لو سمحتو لاني ناقل الموضوع من الريال .. ونا داش وياه وندور شباب عشان نكمل العدد
دمتم بود
لااا ياخويه نفس ماقلت نحن ما بنطلب الراس او الدبه الاخيره
نحن بس بنطلب الدبه الي فالوسط (الي تظهر الصوت وتعطي العزم) الراس والمنفول والدبه الاخيره موجوده عندنا ومابتفرق لو فصلناها هني
والدبه الاخيره تركب ع الفور ويل نيسان او ستيشن بس للصالونات مابتركب بتي كبيره ومامنها فايده
بالنسبه للدبه اضن سعرها روحها 1200 من غير الشحن يعني بتضهر ع 1500 شي جي
ممم ونترياا بعدنااا راعي الموضوع يرد علينااا عشان نتاكد لان مطرش ايميل للشركه عن العدد بالظبط كم يبون وبكم سعرهم والشحن وجي ويتريا ردهم وبيخبرنااا وبخبركم
ولو تبون دايركت منه تقدرون تتواصلون معاه برقمه
مرحب اخويه مستر
بالنسبه لنا طويل العمر نحن بس بنطلب منهم الدبه الي فالنص لان الصوت كله من الدبه والباقيه بنفصله هني فالامارات .. وبالنسبه للفلتر مثل ما قال الريال فموضوعه انه ركب هالفلتر فمال الوكاله وعطاه فرق ومافيه صوت ولاهم يحزنون
ولو تبا تتاكد ياخويه ياليت لو تزور الموضوع الرئيسي عالرابط
تم حذف الرابط ,,,يمنع وضع روابط لمواقع ومنتديات اخرى
وتقدر تسال راعي الموضوع برساله خاصه وبيرد عليك او تتصلبه تيلفون او اطرشله مسج
انااا بس سويت للموضوع كوبي لاني شاركت وياهم وحبيت نجمع عدد كبير فأقرب وقت ممكن
والله فكره حلوه ياخوي بس شو من مواتر تبون بضبط لانه هم بيصنعون 9 او 10 حق نفس الموتر اذا استيشن 8 لازم جمله و اذا 6 لازم جملة و اذا التميا 6 يبون جملة انتة بتطلب حق اي موتر بضبط و انا بشوفلك شباب يبون هالسوالف..و سوالي ال 1000او 1200 درهم مع الشحن و الجمرك و لا بدون ؟
عزيزي انا عندي لاندكروزر 2008 قير عادي 6 سلندر وابغي هالهيدرز بس بون صوت وابغي احسن نوع فلتر ياليت لو تعطيني تفاصيل عن المكان والسعر عالخاص
الله يوفق الجميع خالي
للرفع