ابا مطعم في رأس الخيمة يسوي بوفيه ويكوون اكله حلووووو ونظيف وبسعر معقول ويفرون طاولات وكراسي

ابا أسوي عزيمة بسيطة في العيد حق 30 شخص

لا اتقولولي بوفيه المطار لاني سويت عندهم كذا مرة وابا اغير

عطونا من تجاربكم بارك الله فيكم

32 thoughts on “بوفيه حلو ومرتب يزاكم الله خير”

  1. مرحبا

    يوم حق بنات اسمحيلي البنات نقانق ويخب عليهن

    واكيد انج كريمه بنت اكرام

    بس الاسراف في بياض الويه مرات يكون ضروري

    واللي بيزيد الهلال الاحمر ببوظبي والعين ييي ويشله

    والسموحه يابنت الاياويد

  2. شوه قالو قالو الذبايح مال اول

    الذبايح يالطيبه اكل الحرار وعيب ينعزم الحر على ؟؟؟
    الله يعز بيت النار فيه واريه
    الكرامه عندكم دياي وسندويجات وكم كلف الاكل

    صدق اخر الزمان يوم الكرامه يسئلون كم تكلف

    عقرو الجعادين وذبحو الذبايح

    وكرمو الكرام الحرار طوال الشوارب

    الله يعز الاصايل

    قالو الكرم الحاتمي مال اول
    الله يرحم العرب ليواد

    الحمدلله الخير وايد وما بنقصر لكنها عزيمة بنات والذبايح حق الرياييل

    عاد تعرف اكثر الحريم يسون ريجيم وما ياكلن عيوش ع الليل اللي ما تبا عيش بتاكل مشاوي واللي ما تبا لحم بتاكل دياي

    وبعدين أخوي الخسر والاسراف مب زين والسالفة مب سالفة كرم وأنا ما عندي حد ياكل من عقب المعازيم وين أودي اللي بيزيد

  3. شوه قالو قالو الذبايح مال اول

    الذبايح يالطيبه اكل الحرار وعيب ينعزم الحر على ؟؟؟

    الله يعز بيت النار فيه واريه

    الكرامه عندكم دياي وسندويجات وكم كلف الاكل

    صدق اخر الزمان يوم الكرامه يسئلون كم تكلف

    عقرو الجعادين وذبحو الذبايح

    وكرمو الكرام الحرار طوال الشوارب

    الله يعز الاصايل

    قالو الكرم الحاتمي مال اول

    الله يرحم العرب ليواد

  4. السلام عليكم ورحمه الله

    جربتي مطعم الكلاسيك الي براس الخميه تقريبا الشخص الواحد من 30 الى 35 درهم

    بس ما اعرف هل الاكل الموجود عندهم نفس الي تبينه بالطلبيه ولا ….؟

  5. نحن ما جربنا غير المطار وقوس قزس

    اخر مره طلبنا من المطار اكلات غريبه مب مثل الي متعودينا عليها بالبوفيهات يعني عيش بالشعريه وكبه باللبن وكان حلو وايد

    تراني يارتج من راس الخيمه عزميني ستوا الرقم 31

Comments are closed.