السلام عليكم ورحمة الله وبركاته،
خواتي باختصار وبدون مقدمات ، دون لف ودوران

طلبتكن

على حين غرة تقرر عرس اخوي المفعوص في دبي بشهر 2، وطبعا لأن ماشي وقت مالقيت مصمم فساتين محترم في بوظبي يرضى ياخذ عني، فرجاء حار نار جائر مستعطف بالمساعده بالتوصيه بمصممين اوكي وشغل روعه فخم على بساطه كلاسيكيه، في دبي او الشارقة… حد تقدرون تعطوني عليه قرنتي وتبصمون بالعشره على شغله.
طبعا لو تقدرون تخبروني عن الموضه الحاليه بالفساتين بالاعراس عندكم اكون شاكرة جدا جدا جدا بعد

بالنسبة للأخوان، نعم هذي حاله طواريء ما يفهمها غير خواتي البنات ، ف بليييييز ما في يسوي مسخره على مسكين أنا

جلنار

32 thoughts on “بنات دبي والشارقة، النجدة !!!!”

  1. وليد عطا الله مب شي

    عندج عقل فقيه ممتاز

    واماتو فمركز الهنا موديلاتهم حلوه وراقيه

    والف مبروك والله يتمم لكم على خير

  2. الف مبروك
    تقدرين تزورين الشارقة بناية المبارك
    شارع العروبة على ما اظن

    تشكرات يا دكتور،
    سيتم تشغيل الجي بي اس و البحث عن هذه الجزيره

    الله يستر، دار راسي

  3. هههههههههه

    وحليلج يا فولك

    هع هع هع هع علي انا بعد،

    انزين ماماتي دامج مشرفه هني، افيديني يا وخيتي

  4. فخم على بساطه كلاسيكيه، في دبي ==> وليد عطا الله

    مشكوره اختي ،
    بس تدرين خليتيني احتار وااايد، لأنه لين الحين محد مدحلي وليد عطا الله، الكل يحذرني منه ويقولون غالي على فاشوش وشغل مب لي هناك..
    انتي سويتي عنده ؟

  5. على حين غرة

    عيبتني هالكلمتين..

    مبروك مبرووووووووووك

    وعقبال كل الي ما عرس والي عرس والحاضرين والغايبين..

    وعقبالي انــــــــــــــــــــــــــــــــــــــــــ ـــــــــــــا

Comments are closed.