أنا موظفه بدائره حكوميه ووظيفتي مساعده إداريه
مديري واحد شيبه عمره 50 سنه من النوع اللي يتمايع بالكلام واايد ويدخل عمره بشي ما يخصه
وأنا طبعا كنت صارمه مياه وجديه معاه

في يوم من الأيام كعادتي أول وحده في المكتب كنت طابعه أوراق تخصني أنا شخصيا فدخل هو وشل الأوراق يبغي يقراهم فسحبتم من إيده
فعصب وقال ليش سويتي شي
قلت له أوراق خاصه فيني شان يرد علي لا أونه أتحرى أوراقي فرديت عليه وين أوراقك وأنت توك داخل المكتب
المهم شان يتم يقول أنا ما أبغيج عندي قدمي أستقالتج
ويوم سار مكتبه اتصلبي شان يقولي أكتبي ورقه أستقالتج طبعا رفضت

وفي نفس اليوم يا واحد مراجع عنده فزقرني عشان أصور له أوراق ويوم دخلت عنده المكتب فر الأوراق على الأرض وهو يصرخ طبي هذي الأوراق يالله يالله
طبعا أنا هني فولت ما قدرت أستحمل لأنه هو ما أحترمني جدام المراجع
فقم وقلت له بصوت شوي عالي أنا مب بشكاره عندك أتم تقولي يالله يالله
وطلعت من مكتبه

المهم عقب شوي ياني وكان في ملف ماله على طاولتي فقالي شلي الملف وحطيه على مكتبي
فرديت وقلت له تشوف الملف جدامك شله بروحك وحطه على مكتبك

ومن ذاك اليوم وهو مهمشني يعني قولو المده تقريبا شهرين أسوي الشغل اللي عندي بس في أشياء مرطبته فيه ويوم أسير وأسأله إذا في شي ولا شياته يقول إذا في شي بتصل
وما يرد يتصل ويطرش ايميل لكل الموظفين عشا يحضرون الإجتماعات ما عدى أنا وطبعا أنا احضر
حجزت موعد عند مسأول الموارد البشريه باكر عشان أشتكي عليه
بس ما أعرف أسير ولا لأ
محتاره ما اعرف شو اقول
يا خاي ما احب أسوي مشاكل

أرجو انكم تفيدوني

65 thoughts on “بلييييييييييييييز ساعدوني”

  2. توكلي على الله غناتي .. يستاهل انج تشتكين عليه ليش شو محسب عمره ان شا الله ؟؟ يذل بنات الأوادم ؟؟

    يستاهل و الله .. و لو حتى حذروه أسمج بردتي حرتج و عرفتي الموجودين وياج انه هذا واحد مب كفو ..

    حسبي الله عليه من ريال .. بو خمسين سنة و جي يسوي ؟؟

    الله المستعان .. و ربي يعينج حبيبتي ..

  3. السلالالالالالالالالام عليكم ورحمه الله وبركاته

    بصراحه اختي اشتكي عليه لكي يكون عبره لغيره واذا علشان الكرسي الي قاعد عليه ترى هو كرسي حلالالاق لانه اليوووووووووم انتي باجر بيكون غيرج ………….امشي صح يحتار فيج عدوج…….والسموحه

    وعليكم السلام ورحمت الله وبراكته

    تسلم على تواصلك معاي

    مسموح

  4. السلالالالالالالالالام عليكم ورحمه الله وبركاته

    بصراحه اختي اشتكي عليه لكي يكون عبره لغيره واذا علشان الكرسي الي قاعد عليه ترى هو كرسي حلالالاق لانه اليوووووووووم انتي باجر بيكون غيرج ………….امشي صح يحتار فيج عدوج…….والسموحه

  5. اختي العزيزه نحن لا نشك في كلام ابد لكن اذا كلامك صحيح تاكدي ان هذا الشخص لازم يتعاقب على كلامه ارجو الاتصال باسرع وقت ممكن 0504773331

    ولا تقدمين استقالتج ولا شي اكثر شي تنتقلين من مكانج وتروحين قسم ثاني .. وهو بياخذ جزاه

    تسلم على تواصلك الطيب

    وانا شرات ما ذكرت سابقا ما ابغي أقدم إستقالتي و لا أنتقل من القسم

Comments are closed.