بسم الله الرحمن الرحيم
السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين
عندي بنسبالي كبيرة وشاغله بالي …. أخوي باع سيارة لأحد الأشخاص قبل كم سنه … والريال يتهرب والمشكله السيارة كان عليها ارقام ام القيوين وأم القيوين ماعندهم اوراق مبايعة معتمدة …. انجبر اخوي يسوي ورقة مبايعة مؤقته في احد المعارض … وللأسف الورقه ضاعت والريال يتهرب … من 3 شهور حالياً يوعد اخوي بتحويل السياره بأسمه عقب يقول انه عنده ضروف خاصة عقب يقول بيسافر للعلاج عقب يقول الموتر رسب لأنه في مشكله في القير يقول بصلحها وبرجع اتواصل معااااااااك …… لين آخر فتره قبل اسبوعين اخوي عطاه آخر انذار وقاله إذا مايبت لي ورقة انه السيارة ناجحه من تسجيل ام القيوين عشان احول السيارة بسمك سلمني الأرقام والملكية عشان اشطب السيارة من اسمي … حلو الكلام
ومن يومها والحبيب مايرد على التلفووووووووون
راح اخوي مرور ام القيوين عشان يشطب السيارة ….. قالوا لازم تيب الملكية مع الأرقام …… شرحنا لهم الموضوع وقلنا لهم انه السيارة مسببه لنا مشاكل مانقدر نجدد السيارات الثانية وكل فتره عليها مخالفات وتعاميم بأسم اخوي
قلنا مب مشكله بنرووووووووح نعمم عليه في مركز الشرطة
مركز الشرطة قالووووووووووووا …. هاي قضية مدنية …… لازم تفتح بلاغ في المحكمة بعدم مراجعة المالك
والقهر يوم قلنا اوكي نبغي تعميم على السيارة … قالي وين ورقة المبايعة قلت له ضايعة ……. قال مايستوي تعمم
قلت له سيارتي ومادري وينها كيف مايستوي اعمم ….. قلت له عمم عليها … وأول مابتنحجز السيارة بيطلبوني بروح استلمها وبشطبهااااااا عشان يعرف انه الله حق …… قال مايستوي هذا التعميم
قلت له حالياً مادري وينها وإلي اشتراها يتهرب …… شو اسوي … هاي عباره سرقة .. والموضوع يضرني انا شخصياً باجر لاسمح الله سوى حادث او دعم حد ومات وشرد منو بيتوهق غيري اناااااااااااااااااا
انا أحيييييييد بلاغ عدم مراجعة المالك في المركز مب في المحكمة …
شو الحل برأيكم ….. حاولنا نحلها بشكل ودي عشان مانظلم الريال مافي فايده
المرور ما يتصلون في الشخص ومالهم خص هذي معامله بينكم وبينه و المرور يوثق بس
اذا ما تقدرون تتواصلون ويا الشخص بأي طريقه كانت بلغوا المركز وقولوا ان المشتري خذ السياره يجربها وارقامنا عليها ونحنا بعناها له بورقه مبايعه لاكن الشخص ما رجع الارقام وتلفونه دائما مغلق … واي مخالفه توصل برقم السياره تتحول فورا على ليسن المشتري…
.
مثل ما قال اخوي ها الحل الوحيد …
تقدرين تراجعين المعارض الي اخذتو منهم ورقة المبايعة … المبايعة ثلاث نسخ للبائع والشاري والمعرض .. والمعرض يوم بيطرشها لازم بياخذ صورة من المبايعة لكنهم يحاولون قدر المستطاع ما يسلمون هالنسخة لانهم متخوفين
وربي ييسر اموركم
__________________
إلي أشترى السيارة أربيع اخوي …… وأخوي أمن فيه على أساس أنه ربيعه وهالكلام من 2007
لين يومكم والريال يتهرب ….. أخوي متى حس أنه السالفة ضده … يوم دعم بسيارته وتأمين ماتحمل لأنه سيارة أخوي منتهيه مايقدر يجددها بسبت سيارة إلي باعها لربيعه
راجع مراكز الشرطة .. يقولون روحوا المحكمة …..
راح المعرض إلي سوى فيه مبايعة … قاله اوراق قديمة أكيد حولناها للمروووور .. إذا معتمده بتتحول مرور دبي .. إذا مب معتمده بتتحول لمرور الشارقة …..
وأخوي مشكلة دوامه مايسمح أنه يراجع ….. ومتلعوز وكل مكان يحوله مكان ثانيه راسه دار من كثر الآراء إلي يسمعها من الشرطة وكلامهم …
اختي الموضوع فيه شي مب طبيعي؟
يعني المعرض ما عندهم نسخة للحفظ؟ علشان لا سمح الله صار شي اتبرون ذمتكم؟
و ما اعرف شو دور أخوك في الموضوع و ليش هو ما يراجع الشرطة و يحل الموضوع؟
المــوضوع اليوم طول و في 3 امارات..( أم القيوين – الشارقـة – دبــي).
يا خوفي باجر بيغير رايه و بيسجل السيارة في بوظبــي!
.
.
أنا الصراحه قمت أشك في أخــوك.في شي بينه و بين الشاري و ما يبا يخبركــم..
.و ترى بعض الظن أثم مب كلــه.
المرور ما يتصلون في الشخص ومالهم خص هذي معامله بينكم وبينه و المرور يوثق بس
اذا ما تقدرون تتواصلون ويا الشخص بأي طريقه كانت بلغوا المركز وقولوا ان المشتري خذ السياره يجربها وارقامنا عليها ونحنا بعناها له بورقه مبايعه لاكن الشخص ما رجع الارقام وتلفونه دائما مغلق … واي مخالفه توصل برقم السياره تتحول فورا على ليسن المشتري…
السلام عليكم
قولي حق اخوج يشوف السياره وين واقفه ويجلع الارقام عنها لان ارقام السياره بأسم اخوج ومحد يقدر يقوله شي ومن حقه يجلعهم لان السياره ما زالت بأسمه.
اول ما يجلعهم يخليهم عنده في البيت وبعدها ربيعه بيتصله عشان يحول السياره بأسمه وبيطلب الارقام … هنيه قولي حق اخوج لا يرد عليه عشان يتأدب.
كان المفروض يجلع الارقام عنها من البدايه ويسلمه السياره بدون ملكيه و ارقام لين ما يخلص اجراءات النقل.
تحياتي