بسم الله الرحمن الرحيم
السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين
عندي بنسبالي كبيرة وشاغله بالي …. أخوي باع سيارة لأحد الأشخاص قبل كم سنه … والريال يتهرب والمشكله السيارة كان عليها ارقام ام القيوين وأم القيوين ماعندهم اوراق مبايعة معتمدة …. انجبر اخوي يسوي ورقة مبايعة مؤقته في احد المعارض … وللأسف الورقه ضاعت والريال يتهرب … من 3 شهور حالياً يوعد اخوي بتحويل السياره بأسمه عقب يقول انه عنده ضروف خاصة عقب يقول بيسافر للعلاج عقب يقول الموتر رسب لأنه في مشكله في القير يقول بصلحها وبرجع اتواصل معااااااااك …… لين آخر فتره قبل اسبوعين اخوي عطاه آخر انذار وقاله إذا مايبت لي ورقة انه السيارة ناجحه من تسجيل ام القيوين عشان احول السيارة بسمك سلمني الأرقام والملكية عشان اشطب السيارة من اسمي … حلو الكلام
ومن يومها والحبيب مايرد على التلفووووووووون
راح اخوي مرور ام القيوين عشان يشطب السيارة ….. قالوا لازم تيب الملكية مع الأرقام …… شرحنا لهم الموضوع وقلنا لهم انه السيارة مسببه لنا مشاكل مانقدر نجدد السيارات الثانية وكل فتره عليها مخالفات وتعاميم بأسم اخوي
قلنا مب مشكله بنرووووووووح نعمم عليه في مركز الشرطة
مركز الشرطة قالووووووووووووا …. هاي قضية مدنية …… لازم تفتح بلاغ في المحكمة بعدم مراجعة المالك
والقهر يوم قلنا اوكي نبغي تعميم على السيارة … قالي وين ورقة المبايعة قلت له ضايعة ……. قال مايستوي تعمم
قلت له سيارتي ومادري وينها كيف مايستوي اعمم ….. قلت له عمم عليها … وأول مابتنحجز السيارة بيطلبوني بروح استلمها وبشطبهااااااا عشان يعرف انه الله حق …… قال مايستوي هذا التعميم
قلت له حالياً مادري وينها وإلي اشتراها يتهرب …… شو اسوي … هاي عباره سرقة .. والموضوع يضرني انا شخصياً باجر لاسمح الله سوى حادث او دعم حد ومات وشرد منو بيتوهق غيري اناااااااااااااااااا
انا أحيييييييد بلاغ عدم مراجعة المالك في المركز مب في المحكمة …
شو الحل برأيكم ….. حاولنا نحلها بشكل ودي عشان مانظلم الريال مافي فايده
نفس الكلام…بالضبط..
أو يقول السيارة مسروقة و يحط اعلان في الجريدة و يحتفظ بالاعلان للمستقبل..قرش أبيض يفيدك في يوم أســود..
او يعطيهم رقم اربيعه و الشرطة بيتصلون فيه و غصبا عنه يحضر مركز الشرطة.
الحلول كثيرة غمضي عيونج و اختاري لك حل
.
و يتعلم من الدرس و ما يثق في حد مـرة ثانية..
.
أنا صار لي موضوع مـع مكتب تأجير السيارات طلعت سيارة باسمي و خذها اربيعي قبل 18 سنــة و من يومها حالف ما أسويها…صدقيني كنت أمسك زام عند باب بيتهم كل يومين..
الحل في رأيي أن تاخذوا الموتر بأي طريقة من ربيع أخوك
وتوقفوها في الحوش ، واذا خلص الاجراءات في تسجيله باسمه ، فسلموه الموتر ، والا فالموتر بيكون محفوظ عندكم في البيت
ويا دار ما دخلك شر
الله مايرضى بالظلم ……. هتى لو هو يتهرب انا مابغير اقوالي وأفعالي ومبادئي عشان واحد مايستاهل التقدير والأحترام
القانون ياخذ مجرااااااااااااه
بس انا إلي محيرني ليش المركز مايعمم على المركبة … وياخذون تلفونه ويستدعونه لمواجهتي .. او لتسليم المركبة او لتسليم الملكية والأرقام ……. هذا الشي إلي يدور في رأسي
obadaالحل برأي كان من البداية لو قال انه الملكية ضايعة و طلع بدل فاقد و عقب شطب السيارة نهائيا كان ريح راسه من اللفة
ما بزيد على كلام اخوي
يروح يفتح بلاغ في مركز الشرطه بفقدان الملكيه والارقام ولا يتكلم بموضوع انه السياره موجوده عند الريال
خليه يروح المعرض اللي سوى عنده العقد اكيد في نسخه لانهم يستخدمون اوراق كربونيه
او يروح يفتح بلاغ واذا قالو له مايصير يقولهم سيارتي غيري يسوقها وايب لي مخالفات السياره مب موجوده عندي وابا افتح بلاغ سرقه