السلام عليكم ورحمة الله
اخواني الله يجيرنا في مصيبتنا ويخلفنا خير منها وانا لله وانا اليه راجعون
ما حد يزعل عالفلوس ان كانت فلوس حلال اكيد بترجع لأنه حنا اللي نجيب الفلوس واللي جابها مرة يجيبها كمان مرة
عالعموم اليوم ولله الحمد وصلت خسارتي 54% من رأس مالي الأساسي وجلست وفكرت….أيش المضاربه فادتني؟؟؟؟
كل يوم تقصير في العمل لأجل عيون الأسهم ومتابعتها
كل يوم سمة بدن من ورا الخسارة شبه اليوميه من المضاربه
كل يوم سهر لمتابعة السوق الهندي والأمريكي والاوروبي لمعرفة مصير سوقنا في اليوم التالي
كل يوم ندور على قاع جديد للسوق ونقعد طول اليوم نحلل حتى نلاقيه
كل يوم نحاول نقول بنعوض بس اللي يصير ان الخسارة بأزدياد
كل يوم نصيح ونشتم ونلعن (للأسف حتى في رمضان) بسبب المضاربه
طيب وبعدين شو النتيجه اللي حصلت عليها من ورا المضاربه؟؟؟
ولا شي غير تعب البال وقلة الراحه بالأضافه للخسارة
طيب المستثمر اللي شرى من 6 شهور ومو موجع راسه بالسوق ولا يهمه ايش اللي يحصل لأنو مستثمر شو فرق عني من ناحية نسبة الخساره؟؟؟….ما فرق شي غير انو راسه مرتاح
طيب شو الحل؟؟؟؟
اتصلت بأحد كبار المحللين بالمنتدى (وللعلم هو محلل فني) وسألتو اذا نويت استثمر لسنتين او ثلاثه او حتى عشره لأني مو محتاج الفلوس في الوقت الحالي هل تنصح بالشراء اليوم خصوصا انو كل فلوسي كاش؟؟؟….جاوبني نعم توكل على الله
وبالفعل توكلت على الله واشتريت اليوم بكل ما أملك كميات بسيطه من معظم الأسهم وأغلقت الشاشه وانتبهت لشغلي وريحت اعصابي ولو نزلت الأسهم تحت اسعار اليوم كمان 50% او حتى ميه بالميه مو بايع ولا بعور راسي بهالسوق
وداعا للمضاربه ووجعة الراس وخلو المضاربه لأهلها ولأسواقها اللي تحترمها
شرايكم؟؟؟؟
مجنون؟؟؟؟
ولا كنت مجنون وعقلت؟؟
صدقنى اكيد ذبحهم لانه ليس مشترى فى السوق الامريكى …. اكيد كان مشترى ارابتك على 19
من وجهة نظري الشخصيه خوي مولدر كلامك عين العقل…
بس انا مابستثمر انا حاطه في بالي سهم اتريا يوصل لسعر معين وبشتريه وصدقني خلال شهر
بيعوضني خسارتي تعرف شو هو السهم ميثااااق…
وبذكرك خله ينزل اكثر يقرب صوب الاربع دراهم…
فاتنا القطار في السابق وان شاء الله لن يفوتنا مره اخرى…الله الموفق…
عين العقل أخوي .. والله يوفقك ان شاء الله
يا جماعه …… في سي ان بي سي ريال يقول انه امريكي
ذبح عياله وحرمته بسبب نزول السوق !!! وعنده ماجستير
في الاقتصاد ……….. بعدوا عيالكم بعيد
والله يا صاحبي : بدك الصحيح ولا ابن عمه
هذا سوق ما بينفع فيه لا استثمار ولا مضاربة
شوية مطازيز أجانب بيلعبوا فينا الكرة كل يوم
مرة شورت سل , ومرة مارجن كول , ومرة إيران وأمريكا ومرة السوق السعودي , ومرة السوق الهندي , ومرة العقار طالع ما خذ السيولة من الاسهم , ومرة العقار ممكن ينزل( وفي رواية أخرى ينهار) , وأخيرا وليس آخرا السوقققققققققققققققققق الأمريكي اللي صرنا كل يوم نسهر ونصلي قيام الليل مشان ندعي الله يرتفع سوق العم سام , بعد شوي بجوز يصير السوق الأمريكي يطلع بصيروا يقولوا السيولة بدأت تزحف نحو الاسواق الامريكية وتترك أسواقنا لأن السوق الأمريكي فيه فرص مغرية .
على أي حال أتمنى لك الربح في المستقبل خاصة بعد أن تاب الله عليك من توصيات المضاربة
