بشو تنصحوني BMW 5X ,BMW 730 LI , Hammer H2 , Honda Accord

25 thoughts on “بشو تنصحوني BMW 5X ,BMW 730 LI , Hammer H2 , Honda Accord”

1. هلا الغالي الهمر مانصح فيه لانك ما بتلحق على البترول

   والاكورد موتر عملي بس مب حق كشخه فال تقارن سعر الاكورد بسيارات اخرى

   اما البي ام انصحك بالاكس 5 الي حجمه 4.8 بصراحه خبال واييك فتحتين فالسقف

   واذا تبا خصم فوكالة البي ام حاضرين لك خصم حلو اذا بغيت نتفق على الخاص ^_^

2. الله يوفقك اخوي وانا اقترح عليك موتر غير الاربعه والي هو اللكزس فورويل 2008 موتر عملي وينفع للخط وفخامه لابعد الحدود وينفع للبر ومكينته جباره 5700 وسته غيار يعني بيكون مريح ما اتوقع صرفيته بتكون اكثر عن الفتك (لانه انا عندي استيشن 8 وفالبيت شي فتك الفتك يصرف اكثر)
   وشكل يديد اقل شي يباله 7 سنين لين ما يتغير معنه الشكل الي قبله كمل تقريبا 10 سنين وتغير . . وقطع غياره سعرها اقل عن الالماني.
   بالنسبه لل 730 سمعت انه بيتغير 2009 واالاكس فايف ما ينفع فالبر وعن تجربه هل الرمسه . . وبالنسبه للهمر حجمه كبير وايد وهب عملي من هذي الناحية.

   

3. خذ لك موتر فخم ورياضي واقتصادي في نفس الوقت

   واعتقد متوفرة في الانفنتي جي 35 أو اللكزس جي اس 430

   الانفنتي من الخلف ضيقة شي بسيط على كلام الي استخدموه

   و اللكزس مافيه عزم

   وأنا عن تجربة شخصية أرشح لك الانفنتي لأني مجرب الموديل القديم وماشي لحد الحينة 100 الف ومثل العسل ماشاء الله

   لا مشاكل ولا صرفية ولا غيرها بس المشكلة الوحيدة في قطع الغيار اللي سعرها مرتفع شوي بس أقل عن اللكزس

   واحلى شي في الانفنتي انك مابتمل منه

   ومبروك مقدما

4. ربي ايوفقك

5. اشترلك سيارتين

   همر والهوندا

   الهوندا للدوام
   والهمر للكشخه

   لان جيمتهم مع بعض ما يوصلون جيمت الاكس فايف

Comments are closed.