يا إخوان أريد أقول شي بس أتمنى عدم الزعل…
وهذه عبارة عن وجهة نظر خاصة بي لا تعبر عن آراء الآخرين…
ليش الواحد يلبس شي تقليد….
الواحد لازم يكون عنده ثقة بنفسه، إذا ما يروم يشتري الأصلي لأنه غالي فليش يشتري التقليد هل عسب يراوي الناس أنه عنده وهو في الأصل ما عنده
أعتبر هذا الشيء نوع من عدم الثقة بالنفس
لأنه مب عيب أن الواحد ما يكون عنده بس العيب أن الواحد يقص على الخلق ويراوي انه عنده وهو ما عنده….
والقناعة كنز لا يفنى
وأنا مستعد أتقبل ردودكم بصدر رحب
سبحان الله انا بسأل سؤال ….
الحين يوم انته تحب تلبس الاصلي تبا الناس تلبس اصلي ؟؟؟؟
غصب هو ولا شو
اخوي يالغالي ترا الموضوع اللي انته فاتحنه لا يسمن ولا يغني من جووع .. الناس تفتح مواضيع هادفه وانته فاتحلي موضوع عن التقليد …
الحين النعال وانتوا بكرامه وين ينلبس؟؟ اكيد فالريل ويوم واحد يطالع نعالي شو تباني اقوله هذا مستواه ..
اخوي الناس تلبس وتاكل وتشرب والدنيا سايره …
الحين يوم بقولك انته تشتري ساعه ولا قلم ولا اي شئ اصلي طبعا بيكون غالي صح ما تخاف ربك يوم الدين يسألك عن مالك وين وديته ؟؟ هل تعتقد انه ما بيحاسبك ؟؟
ياخوي المال نعمه واحيانا يتحول نقمه فاشكروا الله يزدكم …
انا هذا كلامي واللي قالت الناس مستوايات ترا في الحساب ما في مستويات ويوم ربج بيسالج وين وديتي بيزاتج ما في مستويات
ويوم تقولين ما اتنزل البس التقليد ؟؟ اشتري حد قالج لا تشترين بس تذكري بييج يوم وبتتحسرين على كل فلس احمدي الله على النعمه قبل زوالها
صدقك …انزين ….ترا الناس مستويات …… …..:sahem1: …
الناس مستويااات؟ يا سلااااام.. ف أي دين هذا؟؟ أنا صح بامكاني اني اشتري احسن ماركة ف السوق.. بس مب هاذي القطعة اللي تحدد مستواي..
اذا على رايتش الناس بيمشون، لو الواحد اتفصخ ما يسوى شي!
و ما اعتقد لما بيحاسبتش رب العالمين بيكون دورتش قبل بحكم “المستويات”
أتمنى انتي و زينتش تغيرون هالنظرة السطحية للعالم الخارجي، لأنه فيه ناس اتموت و مب محصلة قطعة اتحطها على يلدها ولا لقمة!
**كلمة اخيرة: اتذكري انه الواحد ف النهاية ينلف بقطعة بيضا..لا ماركة ولا شي!
و انا ما اعنيتش انتي بهاذي الرمسة انا اعني كل من يقرا ردي…!
اخي الكريم…………
انا لو بشتري ساعه اصليه بـ 5000 درهم اوكي … ولا راح افكر بالتقليد
لكن لو قلت 30000 درهم….. مستحيل……….اشتريها او البس تقليد لاني اقص على نفسي….
لكن العيب مب في اللي يلبسون التقليد …….. العيب في الي يلبسون ساعات بعشرات الالاف ويمكن مئات الالاف………
هذا لو يتصدق بربع الفلوس ذي ابرك له …… تنفعه عند ربه …… ويفرح فيها ناس مو قادره حتى تاكل
ياشباب …. ترنا في نعمه وخير…. يمكن الواحد مديون و,,,,,ووووووو .
بس نبقى ساكنين في بيوت وسيارات اخر موديل وماكلين ونسافر واشياء وايد …..
لكن تذكروا ان في ناس ماتاكل ….مب في افريقيا …
عندنا في الخليج كله…وجنسياتهم خليجيه
ابي اعرف راي كل واحد ……….
تاخذ ساعه بـ30000 او تساعد عايله مب قادره تاكل وجبه وحده
اي شي بحسسك بالرضى والاقتناع انك قادر تسوي شي.
اقول اذا بنتم انفكر في هل المنطق عيل حراااام 300 درهم اللي نصرفها على التقليد
300 درهم اتكفي 30 وجبه للمحتاجين
انا رايي انه اللي يبى التقليد ياخذه واللي يبى الاصلي نفاد
لان الله عطانا بيزات نصرفها في اللي نباه
اذا الشخص اوفى حق الله وحق العباد من زكاه وصدقه …الخ
يصرف بيزاته ف اي مكان لان الله ما حرم هل الشي
بختصار انا اقول المسأله حسب الشخص نفسه لأي سبب خذه التقليد او الماركه..
سبحانك اللهم وبحمدك أشهد أن لا إله إلا أنت أستغفرك وأتوب إليك..
السلام عليكم
الله يعينك يا اخ ابو ساره مسكين يقول بنفسه شو هالورطة اللي تورطتها….مع راعيين التقليد
انــــا بقــــــــــول لكــــم شي
لاتصدقــــــــــــوا انه بضاعة المحلات الكبيرة بالمراكز كلها اصليــــــه
خصوصا العطــــــــــورات 75 % تقليد او مخفف
جرب اشتري من السوق الحرة او من اوروبا عطر واشتري نفسه من اي محل وشوف قوة الريحة وثباتها .
اقول لكم انا متخصص بالتقليــــــــد تقريبا مر علي كل الماركات اصليه ومقلدة واكثر من 50 او 60 مره ابحث عن فروق بين الاصل والتقليد عشان اقدر انزل السعر من المصنع وما لقيت .
مو مهم اصلي وتقليد المهم الجـــــــــــــــودة
مرحبا بو سارة
شــــــــــــــــــو الســـــــــــــــــــــــالفة…..!!!
لا يكون ماخذ لك ساعة و نظارة و كاب و نعال تقليد حق العيد و ناوي تكشخ بهن بس يالس تجيس نبض الناس عن لا حد يقول انه بو سارة يلبس تقليد :hhftj:
(((((( إن اعزكم عند اللــــــــــه اتقاكم )))))
الانسان ما ينقاس مستواه بالماركة او التقليد…
حد من الناس الله عطاه الخير و حد على قد حاله و بعدين هذي مجرد مكملات لا تزيد و لا تنقص من قدر الانسان…
و النـــــــــــــعم بردك والله