يا إخوان أريد أقول شي بس أتمنى عدم الزعل…
وهذه عبارة عن وجهة نظر خاصة بي لا تعبر عن آراء الآخرين…
ليش الواحد يلبس شي تقليد….
الواحد لازم يكون عنده ثقة بنفسه، إذا ما يروم يشتري الأصلي لأنه غالي فليش يشتري التقليد هل عسب يراوي الناس أنه عنده وهو في الأصل ما عنده
أعتبر هذا الشيء نوع من عدم الثقة بالنفس
لأنه مب عيب أن الواحد ما يكون عنده بس العيب أن الواحد يقص على الخلق ويراوي انه عنده وهو ما عنده….
والقناعة كنز لا يفنى
وأنا مستعد أتقبل ردودكم بصدر رحب
مرحبا بو سارة
شــــــــــــــــــو الســـــــــــــــــــــــالفة…..!!!
لا يكون ماخذ لك ساعة و نظارة و كاب و نعال تقليد حق العيد و ناوي تكشخ بهن بس يالس تجيس نبض الناس عن لا حد يقول انه بو سارة يلبس تقليد :hhftj:
(((((( إن اعزكم عند اللــــــــــه اتقاكم )))))
الانسان ما ينقاس مستواه بالماركة او التقليد…
حد من الناس الله عطاه الخير و حد على قد حاله و بعدين هذي مجرد مكملات لا تزيد و لا تنقص من قدر الانسان…
تحياتي للجميع ولبوسارة كاره التقليد وما عندي اي تعليق بس اللي اشوفه مكان الموضوع اعتقد ليس في قسم البيع والشراء ..؟ المفروض مكانه المنتدى العام.. ولا انا غلطان يامشرفين؟
شوفو يا جماعة لو اييب لكم ساعة اصلية .. واعرظه عليكم واقولكم تقليد …… بتصدقون انهاا تقليد تعرفون ليش .. لاني قلت لكم انها تقليد .. وهي بالاصل اصلية .. يعني اللي عنده تقليد وله اصلي .. نفس الديزاين ونفس الشي … كون انه عدم وجود فارق بينهم .. وانا من النوع اللي احب الشي ومهم كان تقليد وله لا …… اهم شي اني استفيد منه .. وماينعرف انه تقليد ….
بالنسبه للتقليد معناه ان شركه ثانيه تنتج الشي نفسه .. صح .. يمكن هالشركه صناعتها احسن من الشركه الاصليه و معضم الاوقات تكون اقل بشوي او اكثر .. بس هالشي يكون ظاهر و مع التجربه بيكون اوضح بس السبب الرئيسي مب السعر .. الشكل الحلو … اذا عندك لكزس تقلبيد خبرني لاني يهمي الشكل اكثر 🙂
السلام عليكم
ما شاء الله يا بوساره سويت مشاكل بهذا الموضوع
بقولكم شي انا شفته بس بدون ذكر اسم المحل او الماركه
انا متعود بين فتره والثانيه اسير تايلند اشتري لنفسي اللي ابغيه و اطلبه من المصنع بشكل مباشر و الدزاين انا اختاره و اصممه بنفسي عشان اكون متميز في كل اللي البسه حتى قماش الكنادير يتني فتره اطلبه من هناك
بالنسبه للنعال اختار الماركه ( الميني ) لانه مالها وكيل هني و قالبه اريح للريل لانه مب بلاستك مثل باجي الماركات
و كل ما اسير هناك اكتشف محل من المحلات المعروفه في الامارات اتصنع نعولها من هناك
ومنهم المحلات اللي يكتبولك برع اشتر نعال و احصل على الثاني مجاناً او خصومات بانواعها
ومحل من محلات العطور اشتريت عنه عطر و اكتشفت ان العطر هذا تقليد شالين السريل نمبر التقليد ومخلين السريل نمبر مالهم وشكل العلبه غير عن العلبه الاصليه في شي بسيط
هم الكبار قامو يقلدون ويغالطون الناس بعد ما كسبو اسم وثقه من الزبون قامو يغشونه
ادري كلامي كبير و قوي شويه لكن هذا اللي انا شفته و عرفته
كان ودي اني اصور في المصنع لاكن التصوير ممنوع هناك حرصا على الزبون و سريا الموضوع
لكن علبة العطر موجوده عندي بس الفاتوره مادري وين فريتها لاني مب متعود اجمع الفواتير
و السموحه منكم جان طولت عليكم
اخوكم
مروان صفر