يا إخوان أريد أقول شي بس أتمنى عدم الزعل…

وهذه عبارة عن وجهة نظر خاصة بي لا تعبر عن آراء الآخرين…

ليش الواحد يلبس شي تقليد….

الواحد لازم يكون عنده ثقة بنفسه، إذا ما يروم يشتري الأصلي لأنه غالي فليش يشتري التقليد هل عسب يراوي الناس أنه عنده وهو في الأصل ما عنده

أعتبر هذا الشيء نوع من عدم الثقة بالنفس
لأنه مب عيب أن الواحد ما يكون عنده بس العيب أن الواحد يقص على الخلق ويراوي انه عنده وهو ما عنده….

والقناعة كنز لا يفنى

وأنا مستعد أتقبل ردودكم بصدر رحب

70 thoughts on “بدون زعل يا أصحاب التقليد

  1. مب عيب الواحد يلبس شي تقليد … ولا معناته لو لبسنا شي تقليد انه احنا ما نقدر نشتري الأصلي

    النعال الأصلي اللي بتشتريه بألف وألفين وين بتلبسه >> بتلبسه في ريولك

    ما أظني بتحطه فوق راسك وبتمشي به جدام الناس عشان ترويهم انه عندك نعال أصلي وماركه أصليه !!!

    تخيل انك لابس النعال الأصلي وفجأة انقص السير أو انكسر الكعب أو .. أو .. أو

    نهايته بتفره وفي النهايه هو الا نعال بتدوس فيه التراب

    نفس الشي الشنطة وألا اللبس (قميص او بنطلون أو تنورة ..) >>> اتوقع اي شي يصير فيهم

    غسلتهم الخدامه في الغسالة وانت شارنه بالآلاف >> قلبك بيعورك

    أو كوتهم الخدامة واحترق >> أظني لو تشتغل 100 سنه ما بتوفي حقة

    هاي أمور تصير ومتوقعه في أي لحظة تستوي

    فالأصلي والتقليد نفس الشي تراه للبس مب للزينه ولا بشتريه وبتعنا عشان أخليهم في الكبت

    واذا ع المظاهر ليش اعيش عمري في جو مب جوي !!!

    أعيشها بالطول وبالعرض وارقد وانا مرتاح وألبس اللي يريحني مب اللي يريح الناس

    وتراه الناس ما ينظرون لي نفس ما انت تنظر >>> خلك عملي

    الحياة فيها وايد أشياء أهم من الأصلي والتقليد ^_^

  2. السلام عليكم

    الصراحة ألبس ساعة ماركة ORIS

    وأفتخر جدام ربعى إنه تقليد

    أصلا مب العيب بالمنتج

    بس العيب بمستهلك المنتج

    ومب كل غني لبس ماركة

    القناعة بالنفس مب بالمال

  3. مادري ليش احس ان مشطج من الماس بعد !!:rofl:
    قلتي ماتلبسين وماتشلين اي شي تقليد .
    انزين عادي (تلمسين) اي شي تقليد اخت عفاري ولاا بعد مايطيع زينج ؟ :064:

    صدقك …انزين ….ترا الناس مستويات …… …..:sahem1: …

  4. مادري ليش احس ان مشطج من الماس بعد !!:rofl:
    قلتي ماتلبسين وماتشلين اي شي تقليد .
    انزين عادي (تلمسين) اي شي تقليد اخت عفاري ولاا بعد مايطيع زينج ؟ :064:

    والله اني حدرت النت كنت بقول اللي فخاطريه

    هههههههههههه

    هههههههههههه

    هههههههههههه

    هههههههههههه

    ههههههههههه

    ههههههههههه

    ههههههههههه

    ههههههههههه

    هههههههههههه

    ههههههههههههه

    آآآآآآآآآآآآآآآآآآآآآخ بطني :rofl:

  5. طبعا انا ما قريت ولا رد عشان ما انسى شو كنت بقول.

    شو يخص الثقة بالتقليد بالماركة؟؟ شو يخص الي انا بشتريه بشخصيتي؟؟
    أصلا ليش الماركة وُجدت؟ لتمييز الغني عن الفقير و بس!

    اذا انا اشتري تقليد فمب معناه اني ما عندي القدرة اني اشتري الاصلي.. بس انا من النوع اللي يمل بسرعة.. فتخيل بلبس هالشي يوم ولا يومين و بعقه.. لييش؟؟ فاذا ابا اشتري شي ماركة لازم اعرف اني بستخدمه لفترة طويلة.. عشان انا (و ناس وااايد مثلي) يخافون الله و حسابه، يخافون لما رب العالمين يسألني عن ال 8000 درهم اللي اشتريت فيهم شنطة و ما تبرعت حق حد محتاج، او تبرعت بس مب المبلغ اللي يرزَ. ليش هالبطرة و ليش هالبزا؟؟ أنا مب ضد الماركة بس مب كل الناس يقدرون، و فيه مساكين يعيبهم يكشخون، مب عيب!
    السوق فيه كل شي.. و الانسان له الحرية في الاختيار.. فيه ناس يصرفون بعقل مثلا يشترون شنطة ماركة و يحتشوووونها على طول السنة.. أو يشترون تقليد عشان يدرون انه هالشي ما بيستخدمونه فترة طويلة..
    و فيه ناس خبايل يعقون فلوسهم كل كم يوم اشتروا شنطة او عباة او ساعة.. بالشيء الفلاني و ما استخدموها غير مرة او مرتين.
    و بالنسبة اللي البسه مب هذا الشي اللي يقدر قيمتي.. الحمدلله الله عطاني العقل اللي انا قيمتي كلها فيه. مب خلقة تحدد شخصيتي و ثقتي و ما اعرف شو…! شو هالخرابيط!
    أنا اقدر احط سلسلة ماركة ف رقبة قطوتي.. فهل هذا يرفع من شأنها أو يخليها بشر.. أو يغير شي غير انه انا عقلي صغير؟
    انا ما اشوف عيب انه الواحد يشتري تقليد.. بس اشوف العيب ف اللي يقدر جدامه و يقيمه من خلال قطعة بتفارقه يوم بينلف بكفنه. (ما اعتقد الاكفان ماركات بعد)

Comments are closed.