يا إخوان أريد أقول شي بس أتمنى عدم الزعل…
وهذه عبارة عن وجهة نظر خاصة بي لا تعبر عن آراء الآخرين…
ليش الواحد يلبس شي تقليد….
الواحد لازم يكون عنده ثقة بنفسه، إذا ما يروم يشتري الأصلي لأنه غالي فليش يشتري التقليد هل عسب يراوي الناس أنه عنده وهو في الأصل ما عنده
أعتبر هذا الشيء نوع من عدم الثقة بالنفس
لأنه مب عيب أن الواحد ما يكون عنده بس العيب أن الواحد يقص على الخلق ويراوي انه عنده وهو ما عنده….
والقناعة كنز لا يفنى
وأنا مستعد أتقبل ردودكم بصدر رحب
السلام عليكم
عندي سؤال هل بيع سوع التقليد او ماشابه ذلك حلال , يجوز ؟ من الناحيه الدينيه ؟
فى نظري لايجوز لانه على الاقل يعارض قوانين وانظمة البلاد
بس من الافضل نسال اهل العلم
فى حد يتكرم ويفتيلنا فى الموضوع
سلام
انا ما احب التقليد …ما ايطيع زيني البس والا اشل تقليد…………
مادري ليش احس ان مشطج من الماس بعد !!:rofl:
قلتي ماتلبسين وماتشلين اي شي تقليد .
انزين عادي (تلمسين) اي شي تقليد اخت عفاري ولاا بعد مايطيع زينج ؟ :064:
السلام عليكم
اخوي بوساره حبيت اوضح لك شيء في ناس تكون في خاطرهم اشياء بس ما يقدرون ياخذونها بسبب سعرها او والتقليد اسهل طريقة عشان توصل للي بخاطرك وشيء ثاني لا يغرونك اصحاب الملايين ترى ساعة او ساعتيين اصليات والباقي تقليد مب كلهم البعض منهم لا تقول مستحيل انا وياهم واشوفهم لانها يحسبونها احسن عن اي شخص ثاني وانته بروحك تقول في حديث الرسول صلى الله عليه وسلم وفيما انفقة
واتمنى لك التوفيق ان شاء الله واتحمل ترى كل شيء تقليد حلو الا الحرمه ترى تروح وطي 🙂
والله انا رايي غير عنكم
مب السرقه حرام؟
و اللي مسوين التقليد تراهم سارقين الماركه..سارقين الوانها و موديلاتها و شعارها
و اخر شي ايي الواحد يشتري بضاعه مسروقه؟
يعني تحط بيزاتك في شي حرام؟
انا شخصيا شرات عفاري..ما يطيع زيني اشل و الا البس تقليد..هاللي قاصر بعد..الناس مقامات و كل واحد يمد ريوله على قد لحافه
بس انه يشتري شي و يعرف انه داخل فيه سرقه…والله مادري هذا اجتهاد شخصي و انا مقتنعه فيه عشان جذيه ما احب امور التقليد
و سلامتكم
انا ما احب التقليد …ما ايطيع زيني البس والا اشل تقليد………وحتى لو هديه مستحيل اعطي ناس شي تقليد ما ايطيع زينهم…….
بس اذا انته تاجر او تاجرة وعندك بضاعه شي ناس يعني ايحبون ها البضائع……..كيفهم…