يا إخوان أريد أقول شي بس أتمنى عدم الزعل…
وهذه عبارة عن وجهة نظر خاصة بي لا تعبر عن آراء الآخرين…
ليش الواحد يلبس شي تقليد….
الواحد لازم يكون عنده ثقة بنفسه، إذا ما يروم يشتري الأصلي لأنه غالي فليش يشتري التقليد هل عسب يراوي الناس أنه عنده وهو في الأصل ما عنده
أعتبر هذا الشيء نوع من عدم الثقة بالنفس
لأنه مب عيب أن الواحد ما يكون عنده بس العيب أن الواحد يقص على الخلق ويراوي انه عنده وهو ما عنده….
والقناعة كنز لا يفنى
وأنا مستعد أتقبل ردودكم بصدر رحب
ألسلام عليكم
اشحااااااااالكم عساااكم بخيرر
العفسه والصدعه كلها عسب التقليد
في هذي الايام مافيه حد ماياخذ تقليد انا عن نفسي
كل شي عندي تقليد الصراحه هاي
يعني
نعال المندوس كم ينباع ب 500 او 400 او300
بحصل نفسه في التقليد 70 درهم او اقل وبقدر اخذ اكثر عن واحد
واذا انا دخلت مكان وحصلت ساعه حلوه وقيمها 10 الالف
ودخلت وحصلت تقليد درجه اولى ب 300 درهم
يعني لهدرجه انا خبله
والله ان 10 الاف في ناس اولى
الا هي ساعه في النهايه بتخترب
والي يسمع يقولون لك ظمان كلام خرابيط
والساعه شو بيخربها غير البطاريه بتفظي وخلاص
الحينه كل شي تقلييييد
ومثال ع البنات دوم اشوفهن في عيمان ليش؟؟؟
لان في محلات تبيع تقليد
لو العباه ب 1000 يسون لك نفسها ومع التوقيع ب 200
ومادري شو قلت انا والسموحه ع الازعاج
انا ن رايي
انه الاصلي يدوم مب شرات التجاري
وبعد التقليد يدوم
والواحد يوم يشتري شي تقليد مب عشنه نقليد عشان البظاعه عيبته وشكله عيبه
خلاص محد يزعل من اليوم بشتري كل شي تقليد
حتى الحرمة اللي باخذها بتكون تقليد
هههههههههههههههههههههه
السلام عليكم..
الصراحة انت غلطان بنظرتك, أصلا اللي يشتري التقليد مب معناته ما عنده ثقة بنفسه..أنا من نفسي أقول انا اشتري التقليد لانه حلو, أنا أروح المحلات وأشوف ساعة تعجبني بس طبعا هي مب على قدي أوكي، بعدين أشوف نفس الساعة بس سعرها رخيص وعلى قدي، فأشتريها لانها مثل ما قلت في البداية تعجبني. والسموحة
اخي الكريم…………
انا لو بشتري ساعه اصليه بـ 5000 درهم اوكي … ولا راح افكر بالتقليد
لكن لو قلت 30000 درهم….. مستحيل……….اشتريها او البس تقليد لاني اقص على نفسي….
لكن العيب مب في اللي يلبسون التقليد …….. العيب في الي يلبسون ساعات بعشرات الالاف ويمكن مئات الالاف………
هذا لو يتصدق بربع الفلوس ذي ابرك له …… تنفعه عند ربه …… ويفرح فيها ناس مو قادره حتى تاكل
ياشباب …. ترنا في نعمه وخير…. يمكن الواحد مديون و,,,,,ووووووو .
بس نبقى ساكنين في بيوت وسيارات اخر موديل وماكلين ونسافر واشياء وايد …..
لكن تذكروا ان في ناس ماتاكل ….مب في افريقيا …
عندنا في الخليج كله…وجنسياتهم خليجيه
ابي اعرف راي كل واحد ……….
تاخذ ساعه بـ30000 او تساعد عايله مب قادره تاكل وجبه وحده
اي شي بحسسك بالرضى والاقتناع انك قادر تسوي شي.
ونعم الررررررررد