يا إخوان أريد أقول شي بس أتمنى عدم الزعل…
وهذه عبارة عن وجهة نظر خاصة بي لا تعبر عن آراء الآخرين…
ليش الواحد يلبس شي تقليد….
الواحد لازم يكون عنده ثقة بنفسه، إذا ما يروم يشتري الأصلي لأنه غالي فليش يشتري التقليد هل عسب يراوي الناس أنه عنده وهو في الأصل ما عنده
أعتبر هذا الشيء نوع من عدم الثقة بالنفس
لأنه مب عيب أن الواحد ما يكون عنده بس العيب أن الواحد يقص على الخلق ويراوي انه عنده وهو ما عنده….
والقناعة كنز لا يفنى
وأنا مستعد أتقبل ردودكم بصدر رحب
انا ما احب التقليد …ما ايطيع زيني البس والا اشل تقليد………وحتى لو هديه مستحيل اعطي ناس شي تقليد ما ايطيع زينهم…….
بس اذا انته تاجر او تاجرة وعندك بضاعه شي ناس يعني ايحبون ها البضائع……..كيفهم…
الاخت عفاري في موضوع انتي تعرضين ساعه تقليد درجه اولى للبيع :064:
وين كلامج عيل ما احب التقليد وما يطيع زيني …..:075: اذا كنتي ما تحبين التقليد ما عرضتي
ساعه للبيع
كل شخص حر بلبسه مب مب معناته الانسان الي يلبس تقليد انه عديم الثقه او غير محبوب
وهذا اهو الموضوع
http://www.satfrequencies.com/invest/showthread.php?t=85982
وربي يحفظج يا اختي الكريمه
شو بلاكم ………… كل شخص حر
وهذي حرية شخصية
اللي يحب المقلد راح يشتري ………………….من بانكوك او المحلات الموجودة في البلاد
واللي يحب الماركات الاصلية …………………بيروح برجمان وافي بيشتري أصلي
ربي ايوفقكم ان شا الله
مد ريولك ع قد لحافك
للأسف الموضوع مش بس مجرد شراء الأشياء التقليد للتباهي بها امام الناس الموضوع أكبر من جيء
الناس قامت تبيع اراضيها عشان تشتري رنج و مرسيدس !!!!
الله المستعان
تحياتي
الشعالي
:ood:
ضحكني ردج
اصلا انتي كل شنطج والابواك و النظارات اللي عندج تقليد
:rofl:
قولي ليش قلت هالكلام؟
لانه كل اللي في مراكزنا من شنط و بوك و نظارات صناعة الصين
ويقصون علينا يقولون من ايطاليا…
شوفي الدليل في ردي فوق
واللي يقولج صح من الصين بس المصنع تابع للماركه في ايطاليا و عشان الايدي العامله ارخص
بقول لج كذاب…
الماركات الايطاليه لها مصانعها في ايطاليا….وتحت اشرافهم…
بييب لج شنطه وديها و قارنيها مع نفس الشنطه في برجمان او اي مركز….
ومعاها بطاقة ضمان و دفتر و كيسه و كل شي….بتلقينها طبق الاصل في برجمان و نفس البطاقه…
طبعا اللي انا بييبها صينيه درجه اولى
ايطاليا يوم يسوون اي منتج لازم له سيريل نمبر…ويكون مكتوب على بطاقة الضمان او بطاقة روحها
حتى لو كان هالمنتج كبر ظفر صبع الريل الصغير…بعد له سيريل نمبر..
بسكم خقه عالفاضي…اصليات واصليات…من هناك تقليد وانتوا ما تدرون بالدنيا..
و تمشون كما الطاووس..وفي الاخير مرده لفصيلة الطيور و الدواجن وياكل دود
ما يعرف اللولو الا طواشه
وما يعرف للطير الا راعيه
يسلم فمك يا فولك دبي
صدقج اخر شيء بياكلنا الدود لا الماركات ولا الحرير ينفعنا . . فقط غير العمل الصالح
وغنى النفس .. وهذه كلها زائلة. .
اتصدقين اعرف ناس يحبون اقتناء الماركات الاصلية ولو بالاقصاد والديون
من السوع و الشنط . . الخ . . عادي عندهم المعااااش كله على الكماليات
اذا شافوا تقليد وعيبهم بعد خذوه . . وميزانيتهم كلها على هاي السوالف
يمكن اسميها هوايه او خقه ما ادري ..
واللي يروم ياخذ الاصليات وتكون الملعقة من ذهب في فمه من يوم ينولد .. بدون ديون ولا سلف
. . الله يزيدهم . . انا مو ضدهم
ولكن مثل ما قالوا انا ماعندي اسير اتباهى وتخقق ؟ ؟ ؟
هههههههههههههههههههه والله سوالفكم اتضحك …. اتصدقون من يومين أبويه شاريلي شنطه من باريس جاليري على أساس أنها اصليه …. لقيت البطاقه عليها كتابه بالصيني مادري التايلاندي … ماقدرت أقوله لأنه مابصدقني أنهم قصوا عليه دومه يقتنع بكلامهم المغري