يا إخوان أريد أقول شي بس أتمنى عدم الزعل…
وهذه عبارة عن وجهة نظر خاصة بي لا تعبر عن آراء الآخرين…
ليش الواحد يلبس شي تقليد….
الواحد لازم يكون عنده ثقة بنفسه، إذا ما يروم يشتري الأصلي لأنه غالي فليش يشتري التقليد هل عسب يراوي الناس أنه عنده وهو في الأصل ما عنده
أعتبر هذا الشيء نوع من عدم الثقة بالنفس
لأنه مب عيب أن الواحد ما يكون عنده بس العيب أن الواحد يقص على الخلق ويراوي انه عنده وهو ما عنده….
والقناعة كنز لا يفنى
وأنا مستعد أتقبل ردودكم بصدر رحب
========================
والله صدقت ياخويه …. اغلبية المحلا ت الكبيره تبيع العطور مخففه وهالكلام انا متأكد منه وبإعتراف أحد موظفي هذي المحلات ….
وفي سالفه صارت لإحدى الأخوات انها شرت شنطه ماركة من محل معروف في الإمارات يبيع شنط وسوع ونظارات من ماركات مختلفه وهو غني عن التعريف…
وسافرت الإخت الخارج وخذت معاها الشنطه … وهناك صارت لها مشكله بالشنطه وقالت بما انه الشنطه عليها ضمان عالمي ومصنع الماركه هذي موجود في نفس الدوله اللي أنا فيها خليني آخذها للمصنع ويصلحولي إياها عالضمان وبعد ما عطتهم الشنطه قالوا لها ان الشنطه مش أصليه قالت كيف أنا شارتنها من محل معروف عندنا وهذي بطاقه الضمان والفاتورة … قالوا لها هذا المحل أصلا ما يشتري من عندنا إلا كميات قليله ومعدوده وهو يصنع شرات الديزاين والكواليتي في مصانع جبل علي
ويبيعها على أساس انها اصليه ومصنعه من مصنعنا.
هذا الكلام اللي سمعته … هذا والله أعلم
انا وحده من اللي صار لي نفس هالموقف
ووحده من السعوديه صار لها نفس الموقف في السفر..
لا تروحون بعيد شوفوا هالموقع
http://www.bulgari.com
وخاصه اهل بوظبي اللي منهم يتفاخر ويتخقق بالاصليات اللي ياخذهن من المراكز
هالموقع لمصنع صيني….والموقع تلقاه بالانجليزي و بالصيني
لمنتجات ماركة Bvlgari
دوروا فيه…وشوفوا وين محلاته في الامارات..
تعرفون ويييييييييين..
اقووووووووول؟ ولا ما اقووووووووووول؟
بقول في بوظبي مول و المارينا مول…ويبيعونهن بسعر الاصليات و يقولن من ايطاليا ككككك
ما اظن شي دليل اكبر من هالموقع
تبون بعد بزيدكم
سويتها في وحده من بوظبي قالت لي انا ما تنزل اشتري اغراض بلغاري الا الاصليات من المارينا..
رقعتها بالموقع….وقلت لها….يسلمون عليج فيالصين هههههه
قفطت :rofl:
عيبني هالرد يزاك الله خير أخوي …
وحبيت أضيف أنه الماركه ماتفرق إنسان عن إنسان آنا الحمدلله عندي خير ونعمه وأشتري الأصلي وأشتري التقليد …. عندي ساعات وشنط أصليه وعندي تقليد … والصراحه أشوف أنه التقليد أحسن في شي واحد انك تقدر تغيره بسرعه اذا بغيت بعكس الاصلي وماتكون متحسف على جيمته بعكس الأصلي يا اتم تلبسه والا بتفره وبيتم مركون والبيزات ماله لو كنت مستفيد منها في شي ثاني أبرك … عني ماحس بفرق اذا لبست الاصلي لأنني احس أنه محد يلاحظ هالشي بالذات بعد موقف صارلي كنت لابسه ساعه كارتير جيمتها 13 ألف لقيت وحده لابسه شراتها قالتلي من وين شاريتها قلتلها ليش قالت بس ابي أعرف لأني اللي خذيتها منه عطاني اياها ب 250 درهم يعني البنت اتحرت انهم الثنتين تقليد … من يومها ماصارت تفرق عندي … ياخي ليش نقص على عمارنا …
والناس مب مستويات مثل ماتفضلت أختي الكريمه لأنه رب العالمين مافضل حد على حد الا بالتقوى والعمل الصالح مب الماركه اللي يلبسها … وعندي ربيعات بنات شيوخ وعوايل كبيره يلبسن التقليد عادي ودوم نشتري ويا بعض مايحطن في بالهن هالسوالف ….
خلنا من الشنط والساعات الملابس اللي نشتريها من المحلات الكبيره بالشيء الفلاني ع قولتهم تلقونها في مصانع عيمان برخص التراب وسيروا هناك وشوفوا السيارات والأرقام كلهم ناس الحمدلله الخير عندهم وايد بس بعد يعرفون يقدرون الأمور …
” من تواضـــــع لله رفعــــــــــه “
ونعم الرد
احييج الغاليه على التفكير الراقي و الاسلوب الاكثر من رائع
انزين شخباركم بعد
يقولون الحريم مكسرات الدجات مال محلات التقليد..يتشرون حق العيد
<<<< قرقيعان >>>>
تعجبني .. :efsf7:
>>>> ×اليازيه المبزايه× <<<<
انتي كذا .. :efsf7:
<<<< عفاري >>>>
ضحكتيني .. :efgh:
يا أخوان ترى الموضوع ما يستاهل .. بس الحلو انه انشوف الاراء وكيف تفكير الاخوان .. :064:
تحياتي للجميع
الجناحي
يا رب لطفك وسترك
اخر شي بيغشونا حتى ف الدم بيخلطونه بكتشجب؟؟؟