السلام عليكم ورحمة الله وبركاته
وشحالكم ياجماعة الخير …
ورمضان كريم …
بطبيعة الحال ساعات نحتاج لخدمات هامه وضرورية وننجبر انا نقضيها من اماره اخرى
سؤالي هو : وتحديدا أهل راس الخيمة وأهل أم القيوين
السؤال هو : ماهي الخدمات اللي تتمنى انها تكون متوفره عندك في الاماره ولا انك تذهب من اجلها إلى اماره اخرى
بانتظار المناقشات الجاده
الحمدالله رب العالمين على نعمه الكثيره
احساس جدير بالاحترام والتقدير
تسلم على مداخلتك الجميلة
وبانتظار باقي الآراء
الحمدلله رب العالمين على النعمه اللي نحن فيها
براس الخيمه مانحتاج شي ابد كل شي متوفر بالاول كنا نشكي من البنيه التحتيه لكن المسئولين ماقصرو والحينه بدو يتحركون ولو حركتهم بطيئه بس المهم انهم يتحركون
بخصوص المحلات والمراكز الحمد لله عدنا مراكز كثيره الحمرا مول السفير مول منار مول وفاء مول وزايد سنتر والواحه والخ .. طبعا المحلات من اختصاص الحريم بالدرجه الاولى واغلب الماركات موجوده هذا اللي اشوفه ويمكن في ماركات يديده ماعرفها جايز
والحمدلله نحن مب اقل من حد باي شي فمن رايي ان الموضوع ماله داعي لانه يثير حساسيه ويبين ان اهل راس الخيمه وام القيوين اقل مستوي من الامارات الاخرى
انا حاس من موضوعج انج تبين تفتحين مشروع وادورين شي فريد بهالاماراتين مجرد احساس
تسلم يالطيب وماقصرت
مداخله طيبه … وهالموضوع بالذات لغرض في نفس يعقوب
مشكلة مافية وجة المقارنة بين ام القيوين وراس الخيمة
راس الخيمة متقدمة علي ام القيوين بعشرين سنة كل شئ فيها
ام القيوين ناقصنة اشياء وايد مثل الجامعات الكليات المراكز التجارية اصدقون نحن بس عندنا كنتاكي وفي دبي في كل محطة بترول ماك دونلد بس الحمدللة عايشين بأمان واللة يخلي شيوخنى
الأهم وجود الطيبين والمداخلات الجميله …
بارك الله فيج وتسلمين