السلام عليكم ياشباب …. من كم يوم طايف في الفريج قريب الساعه 12 الظهر واشوف خدامه طالعه من البيت وشاله طفله عمرها سنتين تقريبا وشاله ايظا فوطه تنظيف عشان تنظف سيارة با باه؟؟؟ فتحت السياره وحطت البنت في السياره وسكرت الباب عليها وزجاج السياره مسكر والسياره واقفه في الشمس ومولعه نار ؟؟؟ وقفت انا وقلت للخدامه طلعي البنت ووديها البيت والخدامه مش فاهمه علي؟؟؟ قمت انا ونزلت من سيارتي وبطلت باب سياره الارباب وطلعت البنت ومحمره من الحر ومتسبحه من العرق وتصيح المسكينه وشلتها على صدري ودقيت باب البيت وربع ساعه ونا واقف تحت ظلة الجدار لين ما طلع لي سبع البرمبه فاتح عين ومسكر الثانيه ؟؟ واول ماشاف بنته قالي جيبها ؟؟ قلت اتفضل هاذي بنتك وخبرته السالفه وبدل ما ينازع الخدامه قام ينازعني ويقولي انته شو دخلك تشل بنتي وتوقف عند بيتي وتظرب الجرس ووعيتني من رقادي؟؟؟؟؟؟ واحسن لك تروح وهاذي اخر مره لك وذا مره ثانيه سويت هالحركه بشتكي عليك في الشرطهّ!!!!!!! شو رايكم بها السالفه وهل انا غلطان في اللي سويته؟؟؟؟؟؟؟ انتظر ردودكم الله يبارك فيكم

37 thoughts on “انقذت طفله من الموت وبغت تستويلي مصيبه؟؟؟ دشو وعطوني رايكم”

  2. انته سويت اللي عليك جزاك الله خير

    بس لو صميته بكس على عينه الثانيه المفتوحه على شأن ما يدل الطريق عدل صدق انه انسان متخلف

  4. نعم يا خوي

    سو خير وعقه بحر

    نفس هالانواع اللي ما ينحسبون ع البشر يبالهم كف
    ولا شو ذنب المسكينه اللي قاعده غصب في السياره وميته من الحر

    الله بجزاك خير وفي ميزان حسناتك

  5. شباب،

    الشرطه من واقع الحال، ما بتسوّي شي لو بلّغ. بيقولوله آخر مره و السلام عليكم.
    هذا غير إن الريال بيرد اللوم عـ البشكاره و بيتبرا من السالفه
    .
    يعني الأخ راعي الشروكي بيعنّي نفسه عـ الفاضي.

    و سالفة الطراق هذي غلط في غلط.

    ولا نسيتوا الأخ اللي من يومين صافع البنقالي البيدار اللي عنده، و هاك طالب عنه بيزات أو إنه يبلّغ عليه.

    أحسن حل، الشي اللي سواه راعي الشروكي، إنه سوّا المعروف و سار في حال سبيله.

Comments are closed.