السلام عليكم ياشباب …. من كم يوم طايف في الفريج قريب الساعه 12 الظهر واشوف خدامه طالعه من البيت وشاله طفله عمرها سنتين تقريبا وشاله ايظا فوطه تنظيف عشان تنظف سيارة با باه؟؟؟ فتحت السياره وحطت البنت في السياره وسكرت الباب عليها وزجاج السياره مسكر والسياره واقفه في الشمس ومولعه نار ؟؟؟ وقفت انا وقلت للخدامه طلعي البنت ووديها البيت والخدامه مش فاهمه علي؟؟؟ قمت انا ونزلت من سيارتي وبطلت باب سياره الارباب وطلعت البنت ومحمره من الحر ومتسبحه من العرق وتصيح المسكينه وشلتها على صدري ودقيت باب البيت وربع ساعه ونا واقف تحت ظلة الجدار لين ما طلع لي سبع البرمبه فاتح عين ومسكر الثانيه ؟؟ واول ماشاف بنته قالي جيبها ؟؟ قلت اتفضل هاذي بنتك وخبرته السالفه وبدل ما ينازع الخدامه قام ينازعني ويقولي انته شو دخلك تشل بنتي وتوقف عند بيتي وتظرب الجرس ووعيتني من رقادي؟؟؟؟؟؟ واحسن لك تروح وهاذي اخر مره لك وذا مره ثانيه سويت هالحركه بشتكي عليك في الشرطهّ!!!!!!! شو رايكم بها السالفه وهل انا غلطان في اللي سويته؟؟؟؟؟؟؟ انتظر ردودكم الله يبارك فيكم

37 thoughts on “انقذت طفله من الموت وبغت تستويلي مصيبه؟؟؟ دشو وعطوني رايكم”

  2. هـذا ما عنده ادنـى احساس بالمسؤوليه ..

    ياخوي المفروض تسوي شرات ما قالولك الاخوان .. تشتكي عليه في الشرطه و تقولهم شو صار و إن البنيه كانت بتموت في الموتر بسبب اهمال الاب .,’

    جي بيكون اللي عليك سويتيه و الباجي إن شاء الله بيسوونه الشرطه و بيرمسون الريال و ما بيقصرون .,’

  3. بيّض الله ويهك ياخوي و هذا العشم فيكم
    والله يبارك فيك ويكثر من امثالك ويوقف لك اولاد الحلال
    وفي ميزان حسناتك ان شاء الله

  4. جزاك الله كل خير أخوي بيّض الله ويهك وماقصرت

    بس أنت المفروووض بعد ما أتشوف تصرف الأب أتروح أتبلغ الشرطه

    على الموضوووع عشان يحاسبون المهمل والمتعمد في الأهمال

    والله يستر وكفوااا عليك وماقصرت والله يوفقك دنيا وأخره

Comments are closed.