السلام عليكم ورحمة الله وبركاته
واحد من عيال عمي كان بمصر سياحة ( شهر العسل ) قرر انه يسكن في أحد الفنادق المطلة على النيل راح لجميع الفنادق في الاستقبال يسؤلونه انته خليجي اومصري قالهم ليش السؤال ردوا عليه المصري 700 جنيه والخليجي 1500 جنيه اتصل بالسفارة ما قصروا معاه طلعتله الغرفة ب 600 جنيه الهدف من الموضوع انا أحيي في مصر هذه البادره الطيبة انها تخصص اسعار خاصة لمواطنيها مقابل الاجانب الي لهم طبعا دبل سعر المصري
عندنا في الدولة للأسف العكس الزوار الأجانب لهم خصومات خاصة و المواطن ياكل تبن أضعاف مضاعفه عليه ليش ما تكون فيه امتيازات للمواطنين مب بس في الفنادق جميع الحدائق الترفيهية وألعاب الأطفال والمتاحف والى اخره أتمنى انشوف هذه الامتيازات عندنا المواطنين وهذا حقنا مثل مصر و غيرها من الدول
هيه ولله صدقت
تحمّل اخوي الوافد هالايّام في بلادنا الآمر والناهي في الاسعار …والمواطن ماله كلمه تروم توقّف العيش والدياي من ضخّه في الاسواق طبعاً لا ..
والاقتصاد نايم في العسل ..
خلها ع الله ….
أختي ماعرف شو سبب انج قالبه على المواطن هل انتي وافد ولا لا الله وعلم ع العموم حبية اوضحلج نقطه انه اي دوله تحب تكسب السايح لازم تخفضله الاسعار وتعطييه امتيازات هذا لو تريد تكسب سياح بخصوص انه تقوليين بعض المواطنيين متحامليين على الوافديين هذا الشي مايا من فراغ اذكري ويايه قبل كم سنه هل يتجرأ وافد يرفع ايده علىا يد مواطن ولا يفاتن علييه لسبب او دون سبب؟؟ واليوم لللاسف نشووفهم يدوسوونج ولا يفتكروون ها المواطن الي نسبته قليله لاتساوي 2% من هالوافديين اليس من حقه التمتع بشي من الخصوصيه ولا بعد حراام علييه؟؟؟؟ وضع المواطن اختي في هالزمن يحتاج تكوون له امتيازات غيير ولو شي بسيط واتمنى مره ثانيه لاتخلطيين الاورااق والامووور وانتي تقولين الوافد يتفنش على اقل شي يسويه طبعن كلالامج مش صح الظاهر ماسمعتي عن احد الشركات المعروفه فدبي والي ناقشوو موضوعها فالبث المباشر كانت تتكلم عن تفنييش 50 مواطن من قبل الاداره الاجنبيه وحجتهم الازمه الاقتصاديه وللعلم المواطنيين فهالشركه مايمثلون 1% من عدد الاسيويين والاجاانب الي رواتبهم دبل والسكن والتامين والسيارات وتذاكر وغيرره.. . اتمنى اختي مره ثاني لاتحكميين على الاموور من منظوورج العاطفي بل من الواقع الي هو موجود وواضح للعياان………. والسموحه من راعي الموضوووووووووووع
عيل انا صارلي هالموقف في بانكوك في المول اللي يبيع يسألني من وين قلتله من الامارات قالي انتو وايد عندكم فلوس البترول تحت ريولكم يتحرون كل واحد في بيته بير قلتله الحمد لله وسرت عنه غيضبي أمبوني ابغي اشتري من عنده..
الحمدالله على كل حال …….
المواطن من حقه وايد أشيــاء بس خلها على الله …