سؤالي واضح جدا
حابه اعرف منكم
انت شخصيا
ايوه انت الي تقرى موضوعي الحين وما تريد تجاوب
او يمكن يوم قريته ابتسمت ابتسامه عريضه جدا جدا ( شوه طريقة مضاربة في سوق الاسهم فيدنا)
بس لا ادس الطعم انا ونطيح في السناره ( ترانا مب ناقصين )
قولولي شوه طريقتكم في المظاربه الي تخلي الواحد طالع من السوق اخر الاسبوع ربحان
عطونا دروس وعبر خلونا نتعلم
ومنكم نستفيد
انا بقول اول طرق الي اظارب فيها والي بصراحه في الاغلب ناجحه بس شي واحد يفسدها الطمع
يعني انا من الناس الي تشتري اخر عشر دقايق في السوق وتبيع اول عشر دقايق في السوق بربح خمسه فلس
بس مرات الطمع يخليني اصبر واخسر كل الي جمعته في شهر ويمكن زياده
لانه مثل ما تعرفون ( ما شاء الله على السوق ) يوم يرتفع مثل السلحفاه ويوم ينزل دربي دربي تقول حصان شوه حصان الا بورش وعاطنه على اخر 360 السرعه اتشوف فلوسك تنزل وانت فاج حلجك
ياله الكل ينصحنا او على الاقل يعطنا شي من الاعيبه وسحره في سوق الاسهم
اختكم المديونيره
لا يا خويه الظاهر انت ما فهمان بالسوق (شراتي)
اللي تتكلم عنه يسمى (كومانشي)
صحح معلوماتك
لا نزال بانتظار تعريف (فيبناشي)
فقط من كبار المحللين
فبناشي كلمة ما حلوة وهي كلمة يستعملها المستثمرون الكبار يوم يبون ينزلون السوق
داون ويتفقون كلهم على هالشيء
حتى يشترون بارخص الاسعار
المصدر : خيالي
انا سجلت بالمنتدى لاعرف ما هو فبناشي
وحتى الان لم يشرح لي احد
اليوم نحس كل الاوامر الي حطيتها مامشت
يعني يوم راح علي بدون ما اكسب شي
ان شاء الله بكره اعوض