السلام عليكم ورحمة الله وبركاته
بس بغيت افيد اعضاء وزوار المنتدى
الي يحب التلفونات وغيرها
يقدر يزور السوق الصيني ( جاينا ماركت ) ف دبي
وبيشوف العجب والاسعار رخيصه
انا امسات سرت التلفونات انواع واشكال
بس نصيحة قبل لا تأخذون التلفونات سوا من السوق الصيني او من الي تنباع ف المنتدى
تأكدو ان التلفونات هذي مالها ضرر لانه تدرون لو الترددات زياده والمغناطيس قوي يكون له تأثير
مثل الاريكسون الاولي لي يرمس منه اكثر من نص ساعه اثنيه تحمر
والسموحه منكم
فعلا السوق الصيني هي كالمصنع للسلع بالجمله ..
وفيه كل شي رخيص ومثل ما قال اخونا (( انت واسلوبك بالمكاسر ))
ويزاك الله الف خير ياخوي عالنصيحه ..
بس التجاره انه تاخذ شي من مكان غير معروف وتاخذ فايدتك منها هذا شي يسترزق الواحد منه ..
ومثل ما قال اخونا الديمه (( اقتبس كلامه ))
والسموووحه
اخوكم
`·.¸¸.·´´¯`··._.· روح الرميثات `·.¸¸.·´´¯`··._.·`
..:: وش نبي بـ دار من بعدك يا زايد … الدار من بعدك ماهي بمرغوبه ::..
يزاك الله خير على النصيحه… وحط في بالك أخوي أنه في ناس من مناطق بعيده ما تساعدهم ظروفهم يوصلون هالمكان ومستعدين يشترون من تجار المنتدى بعض السلع اللي يرغبون بها ومستعدين يدفعون تعب التاجر مع الفايده البسيطه مقارنه بشحنهم وتعبهم ومتابعتهم..
الله يوفق الجميع..
تسلم وماقصرت يااخويه ويزاااك الله كل خير
هالأيام نادر مانحصل حد ينصح لوجه رب العالمين
موضوعك يستاهل التثبيـــــت
ماشاءالله الاخوان كفو ووفو
وطبعا مثل ما قال الاخ كاسروهم كثر ما تقدرون
وماشاءالله الماركت مقسم بتشوفون عند كل بوابه مكتوب القسم مثل الالكترونيات او المعدات المنزليه وغيرها
وعندهم اشياء عجب ورخيص سوا للكمبيوتر او معدات منزليه وفوق هذا دراجات وبقيات واللعاب للصغاريه ودوهم وياكم
بس اهم شي المكاسر
وطبعا عندهم ملابس وبلاوي الصراحه
الليزر الي بنباع اهنه على 200 الاخضر هناك بتحصلونه بسعر ارخص
تقريبا اكثر الاشياء لي تنعرض هنه ف المنتدى بتحصلونها هناك
لا يفوتكم وخبرو ربعكم ^_^
ومشكورين مره ثانيه على التفاعل
هذي خريطة الموقع