أحد أصدقائي في الماضي إشترى اتصالات بسعر 47 درهم وبعد ما اشتراه , سهم إتصالات ما شاف النور….وخبرني في الماضي أنه ناوي يشتري سهم أعمار, فقلت له, دخيلك لا تشتري هالسهم , تراك منحوس (عن طريق غشمره). سار الحبيب واشترى سهم أعمار في الماضي ب27 درهم , ومن بعد ماشتراه , سهم أعمار ماشاف النور, وما وصل للسعر إلي إشتراه.
فقال لي صديقي, يالحبيب ترى المنحوس منحوس.!:^23:

19 thoughts on “المنحوس منحوس!!!!!!!!!!!!!!!!!!!!”

  1. صدقني مب بس ربيعك المنحوس

    صرنا كلنا نشوف انفسنا منحوسين .. وانا وحده منهم

    كل ما أدخل في سهم ينزل .. وكل ما اشتريت اقول بعدل المعدل السعري للسهم .. ينزل أكثر

    وصارت معاي في أكثر من سهم ..

    وآخر شيء قلت ماراح أدخل في أي سهم إلى ان تتعدل الأسعار

    لكن عيال حلال ( الله يسامحهم ) وصوني على الدانة غاز من أسبوع

    ومن اشتريتها وهي كل يوم في نزول ..

    خلاص .. بطلت اشتري اي شيء

    راح اكون متفرجة فقط من اليوم ورايح الى ان يفرجها الله

    بس ممكن تدورون لنا واحد محظوظ عشان يشتري من الاسهم اللي احنا شارينا فيها

    عشان يرتفع السهم .. وله مني 10% على كل بيعه ربحانه ..

  2. يا أخي خل يشتري في أسواق النفط العالمية كم برميل بترول ترا الايام هذي الاسعار مرتفعة و سمعنا أن يبون يرفعون أسعار البترول :^12: :^12: :^12:

  3. ان شاء الله ينفك النحس

    واقدر اقولك انه 80% ها الايام من المضاربين مصابين بنفس الداء

    الصراحه السوق نفسه ايام كثيره يكون فيها منحوس

  4. من اظرف ما قرأت من تعليقات في هذا المنتدى وخاصة الجملة “وهو الأن يريد يستثمر نحسه كمؤشر فنى فى السوق ولتهديد المتداولين بأنه سيدمر السوق أذا ماعطوه كمشن لعدم الشراء!!!”

    ليش لا؟؟؟ كل انسان عنده مواهب بس المشكله كيف يستغل مواهبه!!!!!!!

Comments are closed.