دايما كانت لي ملاحظة على المسلسلات البحرينية بس كنا نطوف قبل
ولكن لما تابعت مسلسل عيون من زجاج اللي يعرض على قناة ال Mbc الساعة 12 بتوقيتنا الصراحة مب متخيلة ان اللي اشوفه مسلسل خليجي كاني اشوف فيلم هندي الصراحة و خاصة الحلقة من يومين اغتصاب بطريقة بس الله يسامح الممثلة اللي رضت على نفسها بهالدور!!! و مطلعين شرب الخمر في المسلسل كانه شي عادي و بيوت دعارة و قصص حب بطريقة مبالغ فيها وكانك تشوف فيلم هندي …الحب موجود في الواقع و لكن بالصورة اللي هم موضحينها اعتقد قليل جدا اذا ما كان نادر…واحد يحب وحدة متزوجة و يبغي يفرقها عن زوجها لانها تشبه زوجته اللي كان يحبها
وواحد ثاني ما عنده شغلة الا طول الوقت يراقب وحدة يحبها و يلاحقها من مكان الى اخر
يعني كان الواحد في هالدنيا ما عنده شغلة غير الحب !!!
حتى لو المجتمع الخليجي فيه الكثير من العادات السيئة ولكن ليس بهذه الصور وكان المجتمع البحريني مافيه شي زين و دايما في كل مسلسل بحريني يكررون نفس الشي (بيوت دعارة وشرب خمر و قصص حب و علاقات غير شرعية و اطفال غير شرعيين……….الخ)
وين ايام قبل يوم كنا صغار ؟؟؟ المسلسلات الخليجية كانت جدا محترمة ومافيها شي يخدش الحياء او ان الواحد يستحي يتطالعه …..
الحين المراهقين اللي يشوفون هالقطات و مثل هالمسلسلات ومن كثر ما بيشوفونها الامر بيستوي عادي عندهم
الله يسامح بعد كاتب السيناريو و المخرج و الممثلين!!!
اصلا جمال جدا مصطنع الصراحة
الشعر تركيب
الرموش تركيب
عدسات ملونة
الشفايف نافختنها
فل ميك اب
يعني خلها تشل هذا كله و تراوي الناس شكلها الحقيقي!!!
مستانس لانك اقطري طبعا
يا اخوي نحن ما نجامل المسلسلات القطرية خلال السنوات الاخيرة الصراحة الافضل من بين جميع المسلسلات الخليجية و فعلا تمس واقعنا مش من الخيال و نجحت نجاح باهر
(( طبعا مايعرف )) ههههه
الحمدلله انا مفتك مووول ماطالع التلفزيون ماعندي وقت
الله ياخذهم شو هالخرابيط جان وصلوا لهالدرجة من الانحطاط
ثانكس اختي
انا لااشاهد التلفاز بكثره بكثر ما انتظر اخبار الامارات و الاخبار الساسيه العالميه وفي شاهده بعض لقطات المسلسل عييون من زجاج ولابس وحركات ومشاهد بما فيها من الوقاحه بعد ذالك
منعتهم من مشاهدة المسلسل
صــار لي فتره طــوييييييله ماتابعت مسلسلاات من كنت في الجامعة
وتخرجت و بعدني ما أميـل لشئ اسمـه مسلسلات
بس
يونا مره بنات عمي ،، عاد هاييل من الصبح لين الليل مسلسلات
اطالع وياهم واقول الحمد لله والشكـــر ،، لين وين وصلت فيهم في هالزمن من قـله الحيـا
يعني
صدق
صدق فضيــع ،، ماعندهم غير حب وزواج
اقول شو السالفه اتريق و اتغدا واتعشا على زواج
الحياة مافيها خير حب وزواج
شو هالافكار الخايسه اللى قاموا يحطونا
الله يستر من الياي ،، يعني صراحة ما ناقص الا نشوف بوس في هالمسلسلات وماستبعد هالشئ يستوي في المستقبل