دايما كانت لي ملاحظة على المسلسلات البحرينية بس كنا نطوف قبل
ولكن لما تابعت مسلسل عيون من زجاج اللي يعرض على قناة ال Mbc الساعة 12 بتوقيتنا الصراحة مب متخيلة ان اللي اشوفه مسلسل خليجي كاني اشوف فيلم هندي الصراحة و خاصة الحلقة من يومين اغتصاب بطريقة بس الله يسامح الممثلة اللي رضت على نفسها بهالدور!!! و مطلعين شرب الخمر في المسلسل كانه شي عادي و بيوت دعارة و قصص حب بطريقة مبالغ فيها وكانك تشوف فيلم هندي …الحب موجود في الواقع و لكن بالصورة اللي هم موضحينها اعتقد قليل جدا اذا ما كان نادر…واحد يحب وحدة متزوجة و يبغي يفرقها عن زوجها لانها تشبه زوجته اللي كان يحبها
وواحد ثاني ما عنده شغلة الا طول الوقت يراقب وحدة يحبها و يلاحقها من مكان الى اخر
يعني كان الواحد في هالدنيا ما عنده شغلة غير الحب !!!
حتى لو المجتمع الخليجي فيه الكثير من العادات السيئة ولكن ليس بهذه الصور وكان المجتمع البحريني مافيه شي زين و دايما في كل مسلسل بحريني يكررون نفس الشي (بيوت دعارة وشرب خمر و قصص حب و علاقات غير شرعية و اطفال غير شرعيين……….الخ)
وين ايام قبل يوم كنا صغار ؟؟؟ المسلسلات الخليجية كانت جدا محترمة ومافيها شي يخدش الحياء او ان الواحد يستحي يتطالعه …..
الحين المراهقين اللي يشوفون هالقطات و مثل هالمسلسلات ومن كثر ما بيشوفونها الامر بيستوي عادي عندهم
الله يسامح بعد كاتب السيناريو و المخرج و الممثلين!!!
لا حول و لا قوة الا بالله العلي العظيم
الله يرحمه و يغفر له و يصبر اهله ان شاء الله
ويهديهم
على فكرة نفس المسلسل كان ينعرض في قناة اماراتية.
صح لانه حاير طاير ميعطيهم حريتهم في التعري وقطر فيا انتاج فني والسعوديه بعد طول السنه بس
المشكله انها مابتقدر تلبس سترج ولا ……………………………؟؟
تدرين خيتو بعد هذي المسلسلات ارتفعت اسعار التذاكر للبحرين كل ويكند وتوصل لين 1200درهم والحجز فوووووووووووووووول هذا كله عشان زواج الفرند المتعه و المتاي والحلوي و الرهش (بشمك)
انا لله وانا اليه لراجعون
طبعا حميد مراد اللمثل اللي في مسلسل عيون من زجاج (اللي يلاحق بنت بدريه احمد )
وزوجته الحقيقه الفنانه مروه خليل وياه في نفس المسلسل وكانت بدور البنت اللي تبا تحترف الغناء
الله يرحمه ويغفر له
الدنيا قصيره
فجع الوسط الفني* البحريني* يوم أمس برحيل فقيد الفن الشاب حميد مراد
اثر إصابته بأزمة قلبية حادة بالقاهرة*. و
شكلت وفاته المفاجئة صدمة كبيرة إلى الوسط المحلي* والخليجي،*
وتأثر جميع الفنانين والفنانات بخبر الوفاة وخاصة بعد ان عاد مراد مؤخرا إلى الساحة الفنية
والتي* غاب عنها لفترة زمنية طويلة من خلال مسلسل* »عيون من زجاج*« الذي* عرض مؤخرا *.