دايما كانت لي ملاحظة على المسلسلات البحرينية بس كنا نطوف قبل

ولكن لما تابعت مسلسل عيون من زجاج اللي يعرض على قناة ال Mbc الساعة 12 بتوقيتنا الصراحة مب متخيلة ان اللي اشوفه مسلسل خليجي كاني اشوف فيلم هندي الصراحة و خاصة الحلقة من يومين اغتصاب بطريقة بس الله يسامح الممثلة اللي رضت على نفسها بهالدور!!! و مطلعين شرب الخمر في المسلسل كانه شي عادي و بيوت دعارة و قصص حب بطريقة مبالغ فيها وكانك تشوف فيلم هندي …الحب موجود في الواقع و لكن بالصورة اللي هم موضحينها اعتقد قليل جدا اذا ما كان نادر…واحد يحب وحدة متزوجة و يبغي يفرقها عن زوجها لانها تشبه زوجته اللي كان يحبها
وواحد ثاني ما عنده شغلة الا طول الوقت يراقب وحدة يحبها و يلاحقها من مكان الى اخر
يعني كان الواحد في هالدنيا ما عنده شغلة غير الحب !!!

حتى لو المجتمع الخليجي فيه الكثير من العادات السيئة ولكن ليس بهذه الصور وكان المجتمع البحريني مافيه شي زين و دايما في كل مسلسل بحريني يكررون نفس الشي (بيوت دعارة وشرب خمر و قصص حب و علاقات غير شرعية و اطفال غير شرعيين……….الخ)

وين ايام قبل يوم كنا صغار ؟؟؟ المسلسلات الخليجية كانت جدا محترمة ومافيها شي يخدش الحياء او ان الواحد يستحي يتطالعه …..

الحين المراهقين اللي يشوفون هالقطات و مثل هالمسلسلات ومن كثر ما بيشوفونها الامر بيستوي عادي عندهم

الله يسامح بعد كاتب السيناريو و المخرج و الممثلين!!!

81 thoughts on “المسلسلات البحرينية و علامات تعجب!!!”

  1. انا ما بتكلم عن سياق الاحداث والسيناريو والقصه

    لانه اذا اتكلمت ما بوقف

    انا بتكلم عن شئ واحد

    اللبس

    ما يمت لا بدينا الاسلامي ولا بعاداتنا وتقاليدنا

    وما شاء الله اعضاء البرلمان بالبحرين يضغطون على وزارة الاعلام

    لالغاء حفلات المطربات ويلزمونهم باللبس المحتشم

    واخرها حفل هيفاء وهبي ما تنفذ لين ما وقع مدير اعمالها على شرط اللبس المحتشم

    كيف مرت المسلسلات عليهم مرور الكرام

    وكيف مرت على لجان المصنفات الفنيه

    والا هذا للتصدير مب للاستهلاك المحلي !!!!

  2. الله يعين

    بصراحه مسلسل مقرف

    وتقريبا كل المسلسلات البحرينية بنفس الطريفة

    تذكرون مسلسل عذاري(زينب العسكري)
    ومسلسل مادري شو اسمه بعد زينب العسكري مثلت فيه دور فرح …
    بصراحة …فضيحة

  3. الله يعين

    بصراحه مسلسل مقرف

    وتقريبا كل المسلسلات البحرينية بنفس الطريفة

    تذكروت مسلسل عذاري(زينب العسكري)
    ومسلسل مادري شو اسمه بعد زينب العسكري مثلت فيه دور فرح …
    بصراحة …فضيحة

  4. احسن مسلسل فرررررررررريج

    اكره شي عندي المسلاسلات المأساويه و اللي ما منها هدف

    هم ممكن يكون هدفهم يعرضوا نتيجه التصرفات الخطأ بس المسلسل ما فيه شي ايجابي

    بس مسلسلين مروا علينا الى الان اماراتيين 100%

    1)اشحفان القطو

    2)فريج (الجزء الاول فقط)

  5. كلامج صح أختي بزنس ومن شفت الحلقة للمسلسل البحريني الي تطرينا وصراحة مؤخراً كلا المسلسلات الخليجية ماعدا بعض القطرية صايرات تافهات الله يرحم ايام السبعينات والثمانينات عز المسلسلات الخليجية مثل:
    درب الزلق..رقية وسبيجة..محظوظة ومبروكة..درس خصوصي..شحفان القطو..فايز التوش القديم..خالتي قماشة..الأقدار..ووايد من المسلسلات القديمة يبالي اكتب قصة كاملة

    يا اخوي راعي الخبيرة لو تلاحظ ان هالمسلسلات القديمة مهما نشوفها ما نمل منها وما فيها الحزن و الكابة الموجودة في مسلسلات الحين و ايضا الواحد ما يستحي ابدا يشوفها و هو مع عائلته

Comments are closed.