دايما كانت لي ملاحظة على المسلسلات البحرينية بس كنا نطوف قبل
ولكن لما تابعت مسلسل عيون من زجاج اللي يعرض على قناة ال Mbc الساعة 12 بتوقيتنا الصراحة مب متخيلة ان اللي اشوفه مسلسل خليجي كاني اشوف فيلم هندي الصراحة و خاصة الحلقة من يومين اغتصاب بطريقة بس الله يسامح الممثلة اللي رضت على نفسها بهالدور!!! و مطلعين شرب الخمر في المسلسل كانه شي عادي و بيوت دعارة و قصص حب بطريقة مبالغ فيها وكانك تشوف فيلم هندي …الحب موجود في الواقع و لكن بالصورة اللي هم موضحينها اعتقد قليل جدا اذا ما كان نادر…واحد يحب وحدة متزوجة و يبغي يفرقها عن زوجها لانها تشبه زوجته اللي كان يحبها
وواحد ثاني ما عنده شغلة الا طول الوقت يراقب وحدة يحبها و يلاحقها من مكان الى اخر
يعني كان الواحد في هالدنيا ما عنده شغلة غير الحب !!!
حتى لو المجتمع الخليجي فيه الكثير من العادات السيئة ولكن ليس بهذه الصور وكان المجتمع البحريني مافيه شي زين و دايما في كل مسلسل بحريني يكررون نفس الشي (بيوت دعارة وشرب خمر و قصص حب و علاقات غير شرعية و اطفال غير شرعيين……….الخ)
وين ايام قبل يوم كنا صغار ؟؟؟ المسلسلات الخليجية كانت جدا محترمة ومافيها شي يخدش الحياء او ان الواحد يستحي يتطالعه …..
الحين المراهقين اللي يشوفون هالقطات و مثل هالمسلسلات ومن كثر ما بيشوفونها الامر بيستوي عادي عندهم
الله يسامح بعد كاتب السيناريو و المخرج و الممثلين!!!
السلام عليكم ورحمة الله وبركاته
أنا شخصيا بالنسبة للمسلسلات الخليجية أتابع فقط سلسلتين :
طاش ما طاش
و حاير طاير
لأن هذه المسلسلات تعالج قضايا واقعية بقالب كوميدي يقرب الفكره لجميع شرائح المجعمع
أما مسلسلات الحب والغرام والجرائم وغيرها فهي خرط بخرط وبعيدة عن الواقع >>> رأي شخصي
وشكراً على الطرح
اذا لم تستحي فاصنع ما شئت
والممثلين والممثلات اغلبهم ناس خايسين وماشي عندهم غيرة ولا كرامة
شو تتوقعون يمثلون يعني والله لولا الناس مايرضون بالغلط
كان جفتو شي ما تتوقعونه
والله ينتقم من الممثلين والممثلات الاحياء منهم والاموات
او انه يهديهم
قولو امين
لانهم يالسين يضيعون فالشباب والبنات بتفاهاتهم وقلة ادبهم
وشكرا على الموضوع
اسمحيلي ياختي الكريمه اوضحلج الخربطه اللي صايره عند الكثيرين ووثقها بالامثله عشان توصل المعلومه عند اكبر شريحه..
بعض المسلسلات تتصور عندنا ولكنها مب شرط تعبر عن المجتمع الاماراتي مثل المثال اللي حطيتيه (جنون المال ونجمه الخليج) مثل هذي البرامج ماتتكلم عن المجتمع الاماراتي ولا بعمرها يابت اسم الامارات وركزي على كلامي عدل لانه في فرق يوم المسلسل يتصور بالامارات لان متوفره فيه البنيه التحيه والتطور (وخاصه انه تصور بدبي المدينه المفتوحه والمختلطه) ويوم المسلسل يتكلم عن الامارات ومجتمعه ومايتعرض له هذا المجتمع من قصص وحكايات…!!!!!
يعني المسلسلات المذكوره اعلاه كم مواطن فيه اصلا وشو بالاصل اللي يدل انه يتكلم عن الامارات بل بالعكس لو لاحظتي يوم التصوير كل واحد رافع علم بلاده مثل هذاك ما اذكر اسمه كان يرفع علم بلاده الكويت وغيره الكثير…الخ اعتقد المعلومه وصلت
بضرب مثال ثاني حاير طاير مسلسل نقدر نقول عنه انه اماراتي 100% لانه يمثل المجتمع والبيئه اللي نعيش فيه وماياب قصص غريبه وبعيده عن الواقع ولكنه كان يعبر عن الواقع بذاته حتى من ناحيه التصوير واختيار اماكن التصوير والممثليين واللهجه…الخ
وعلى هذا الاساس كان اماراتي قلبا وقالبا وكان ناجح بجميع المقاييس…!!!!!
والسموحه
للاسف المسلسل يرمس عن واقعنا في الخليج بس خبريني بشئ واحد مش من واقعنا ؟؟
عزيزتي انا مب المشرفة!!! انا وحدة كله طايحة في قسم الاسهم وما ادخل العام وايد
الصراحة اوافقج 100% على اللي قلتيه
الغالية أنا قصدت كبير الموووووووستثمرين تراه هو اللي رد قبلي
و سلامتج ^^