دايما كانت لي ملاحظة على المسلسلات البحرينية بس كنا نطوف قبل
ولكن لما تابعت مسلسل عيون من زجاج اللي يعرض على قناة ال Mbc الساعة 12 بتوقيتنا الصراحة مب متخيلة ان اللي اشوفه مسلسل خليجي كاني اشوف فيلم هندي الصراحة و خاصة الحلقة من يومين اغتصاب بطريقة بس الله يسامح الممثلة اللي رضت على نفسها بهالدور!!! و مطلعين شرب الخمر في المسلسل كانه شي عادي و بيوت دعارة و قصص حب بطريقة مبالغ فيها وكانك تشوف فيلم هندي …الحب موجود في الواقع و لكن بالصورة اللي هم موضحينها اعتقد قليل جدا اذا ما كان نادر…واحد يحب وحدة متزوجة و يبغي يفرقها عن زوجها لانها تشبه زوجته اللي كان يحبها
وواحد ثاني ما عنده شغلة الا طول الوقت يراقب وحدة يحبها و يلاحقها من مكان الى اخر
يعني كان الواحد في هالدنيا ما عنده شغلة غير الحب !!!
حتى لو المجتمع الخليجي فيه الكثير من العادات السيئة ولكن ليس بهذه الصور وكان المجتمع البحريني مافيه شي زين و دايما في كل مسلسل بحريني يكررون نفس الشي (بيوت دعارة وشرب خمر و قصص حب و علاقات غير شرعية و اطفال غير شرعيين……….الخ)
وين ايام قبل يوم كنا صغار ؟؟؟ المسلسلات الخليجية كانت جدا محترمة ومافيها شي يخدش الحياء او ان الواحد يستحي يتطالعه …..
الحين المراهقين اللي يشوفون هالقطات و مثل هالمسلسلات ومن كثر ما بيشوفونها الامر بيستوي عادي عندهم
الله يسامح بعد كاتب السيناريو و المخرج و الممثلين!!!
احسن مسلسل فرررررررررريج
اكره شي عندي المسلاسلات المأساويه و اللي ما منها هدف
هم ممكن يكون هدفهم يعرضوا نتيجه التصرفات الخطأ بس المسلسل ما فيه شي ايجابي
بس يا اخوي ما تلاحظ ان في مسلسلات اماراتية مثلا تظهر صورة غير حقيقة عن مجتمعنا!!
مثلا مسلسل جنون المال يظهرون زوجات الابناء و هن غير متحجبات امام اخوان ازواجهم و هالشي غير واقعي ابدا!!!
وبعطيك مثال ثاني و هو مسلسل نجمة الخليج ….هل تعتقد يا اخوي ان هالمسلسل بالانفتاح اللي فيه و صداقات البنات مع الشباب في الجامعات و طلعاتهم مع بعض و بدون عباة و شيلة و الام راضية يمثل المجتمع الاماراتي؟؟؟
يعني هم شوهوا صورة المجتمع الاماراتي و الفتاة الاماراتية
واللي شافوا المسلسل من الوطن العربي و غيره اكيد عبالهم ان المجتمع الاماراتي هكذا منفتح و هالصورة يصورها لهم المخرجين!!!
فانا دايما اسال نفسي لما اشوف المسلسلات البحرينية: هل هالاشياء فعلا منتشرة بكثرة عندهم عشان يركزون عليها هالكثر و في كل مسلسل؟؟ ام انهم يبالغون وايد؟؟؟ او يمكن يبالغون اشوية؟؟؟
فلهذا السبب اقول المفروض ما نظلم اي مجتمع لان المخرجين يمكن يبالغون!!! و لان نحن في امور يظهرونها في مسلسلاتنا الاماراتية غير موجودة على ارض الواقع
اكثر المسلسلات تعبر عن واقع البيئه اللي يعيشها الانسان والظروف الماديه والاجتماعيه والنفسيه….الخ اللي يتعرضلها بهذي البيئه او الدوله
بمعنى يمكن البعض يشوف ان المسلسلات القطريه مافيها خلاعه وانفتاح كبير والسبب يرجع لان البيئه اللي عندهم محافظه لابعد الحدود مقارنه بالبحرين (طبعا اتمنى محد يفهمني غلط والسموحه طبعا) عندهم انفتاح كبير جدا بجميع الامور ونوعا ما الحياه الماديه والمستوى المادي في نزول مقارنه بقطر…
نقدر حتى تضع الامارات بالمقارنه وتشوفون في فرق كبير بين مدينه واخرى وذلك لتنوع بعض الثقافات والعادات بين مدينه واخرى والانفتاح والانغلاق بين اماره واخرى(طبعا ماراح احط مثال على ذلك عشان محد يحتشر علي…وكل هذا يتصور وينقل من ارض الواقع ليتم تجسيده بالمسلسلات والافلام…..
يمكن تقولون المسلسلات تبالغ وايد وبوافقكم بالراي ولكن هذي البهارات لابد منها عشان يسوون ضجه ويرتفع سهم واسم هذا المسلسل او الفلم…!!!!!
طبعا هذا راي شخصي
والسموحه….
اكيد شفته …انا طيعي لازم اكمل الى النهاية
الصراحة لقطتين مب شي كانوا الاب مع السورية و لقطة الاعتداء الثانية لا حووووووووووووول
صح ربيعتي قالت لي اصلا هالمسلسل عارضينه في رمضان! …بس غريبة ان الصحافة ما انتقدت هالمسلسل او طالبت بمنعه مثل ما صار مع مسلسل كويتي في رمضان!!!
بدرية احمد جذابة الشعر مبين انه تركيب عيل عيوز من وين بيظهر لها شعر بسرعة في هالسن هههه
الله يسامحهم استوى شي عاادي عندهم
بس انتي قلتي القصه كلها اكيد اتابعينه الغلط
من القنوات الي تسمح تعرض هاي المسلسلات
الممثلين عندهم شي عادي لانه ها الشي هم متعودين عليه اصلا دام انها سمحت لنفسها اتمثل شو امانع انها تاخذ اي دور عشان البيزات