رايكم يا شباب في المتوسط الحسابي السنوي لمشي الموتر!?!?!?
ينحسب في امريكا على النحو التالي: _
كل سنة 12,000 ميل, يعني 12,000 ضرب 1.609344 = (19312.128كم)
كيف عندنا؟يعني اذا عن نفسي! كل يوم على الأقل 70 كم مضروبه في 365 تساوي 25,550 كم هاذا بس لاني اروح الشغل وارجع! والخميس العين وارجع بوظبي …….
__________________________________________________ ________
رايكم اهمني لاني على اعتاب انهاء “excel sheet ” لتقييم السيارات
بتسعيره الوكالات واصحاب المعارض لما تطلع السيارة من الوكالة على طول راح ينقص من قيمتها ما بين 20 % الى 25 % على حسب نوع السيارة
طبعا نحن نتكلم بصوره عامه وليس في منطقة الخليج لأن وضعنا يختلف شوي عن باقي دول العالم
كمثال سيارات التويوتا تستخدمها سنه وعقب اذا فكرت تبيعها راح تنزل تقريبا 5 % من قيمتها الاصليه بعكس باقي السيارات
وبعد عندك شي ثاني
على كل 10,000 كم تمشيها السياره لازم تنقص تقريبا ما بين 3 الى 5 الاف وبالطبع على حسب ماركة السيارة ونوعها
مثال
المرسيدس S 350 موديل 2007 فل ابشن قيمته بالوكالة 390 الف درهم
بعد سنه من الاستخدام بتكون قيمته ما بين 290 الى 300 الف درهم اذا كان ماشي تقريبا 35 الف كم وراح يتم على هالسعر سنتين تقريبا وعقب كل سنه راح تنقص 5000 درهم وعلى كل 15 الف كم تنقص 5 الاف درهم
هالشي مطبق عند البعض وغير مطبق عند البقية
اذا كنت تحاول تسوي سستم معين لتحديد قيمة السيارة فهالمشروع صعب لأن محد بيتقيد بسعر معين لسيارته وكل واحد يشوف سيارته غالية في نظره وتستاهل قيمه معينه
اتذكر واحد من الشباب كان عارض جيب رانجلر وحاط فيها اكسسوارات بلاوي زرقه وطلب فيها قيمه معينه لأن السيارة كلفته وايد والزوايد كلها ماركات وبالنهاية محد طاع يشتريها لأن اللي يعرفون قيمة الاكسسوارات بهالنوعية من السيارات قليل وانا منهم
__________________________________________________ _________
مشكور يالأبيض: انا راح اتقيد بالمشي الإفتراضي(25000كم/سنة) وفالك طيب راح اضيف النوع الثاني.
للقراء الكرام:
تسعير السيارة يتوقف على عدة عوامل منها( مشي السياره,عدد سنين الاستعمال “القيمة الدفترية ناقص الاستهلاك السنوي”,طبيعة المالك,وارد او محلي, و و و….)
طبعا المذكور اعلاه يطببق فقط على السيارات من نفس الماركه والفئه(مثال: اذا ابغي اعرف انه ال LS430 اللي في المعرض تسوى اكثر من سييارة سعيدوهكذا
=====> الحينه نيجي لحسبة اللاستهلاك السنوي …….. سمعت من شركات التامين انها تحسب كالتالي: _
تطرح نسبة وقدرها %20 من القيمة الدفترية للسيارة بعد اول سنة من الاستخدام, ومن ثم يطرح 15% كل سنة و كل حول على القيمة التناقصية.
هل معلومتي صح؟ ارجو الموافاه ومتابعة الموضوع
ممممممممممم !!!!!
عيل انا عندي سياره موديل 99 و توها واصله 100200 كيلو دخلت المئة ألف كيلو من فترة
يعني سيارتي still new
الموضوع مهم ومشكور جدا يا صاحب الموضوع لان فيه تعريف للناس عن شي يجهلونه.
انا عندي سيارتين وحدة منهم خلال سنة ما مشت حتى 15000كم والثانية خلال شهرين بس مشت اكثر من 15000كم مع انه دوامي 20كم بس من البيت.
السالفة غريبة شوي بس ممكن نقول ان المتوسط الحسابي لمشي السيارة في الدولة نوعين
النوع الاول هو المتوسط الحسابي الافتراضي والنوع الثاني هو المتوسط الحسابي الحاصل
الافتراضي هو ان المفروض السيارة تمشي 25000كم في السنة والحاصل هو ان السيارة تمشي 60000كم في السنة. وانا اعرف كم واحد من الشباب تمشي سيارته بين 50000كم وال60000كم في السنة ودوامه قريب.
بالنسبة للجدول اللي راح تسويه يا ريت لو تعتمد فيه هالنوعين من المتوسط الحسابي.
انا عندي ساره موديل 2005 وماشيه 90000 كيلو كيف احسب