رايكم يا شباب في المتوسط الحسابي السنوي لمشي الموتر!?!?!?
ينحسب في امريكا على النحو التالي: _
كل سنة 12,000 ميل, يعني 12,000 ضرب 1.609344 = (19312.128كم)
كيف عندنا؟يعني اذا عن نفسي! كل يوم على الأقل 70 كم مضروبه في 365 تساوي 25,550 كم هاذا بس لاني اروح الشغل وارجع! والخميس العين وارجع بوظبي …….
__________________________________________________ ________
رايكم اهمني لاني على اعتاب انهاء “excel sheet ” لتقييم السيارات
ردودكم افرحتني الصراحه ومشكورين جدا على مروركم الكريم.
دار زايد: انته طرحت نقاط مهمة كباقي الشباب. عيل خللونا نعتمد رقم معين عشان يكون لنا مرجع وحجه عند بيع او شراء سيارة.
الحين شو الراي؟ انصوت؟ اوكي الممشى السنوي 25 كم واللا 30 واللا 35
عن نفسي? صوتي يروح ل 35
وبالنتظار اصواتكم الكريمه
أنا عندي نيسان موديل 98 ماشي أكثر من 400 ألف !!!
المعدل الطبيعي للسياره تكون ما بين
20 الى 25 الف كم بالسنة الواحده وهالرقم يا من خلال دراسه للأسواق العالمية بس ما اعتقد انهم سوو هالدراسه عندنا بالخليج ولا بيتغير الرقم حتى يكون 60 الف بالسنة
خخخخخخخخخ
عندنا بالخليج السيارة اذا ممشاها طبيعي تقريبا المفروض انها ما تتعدا ال 35 الف كم بالسنة وعلى مستوى بعض الدول الاوروبية يعتبر ماشي وايد لأن غالبيتهم يستخدمون الباصات او القطارات وما يستخدمون السيارات الا للشغلات الضروريه
بالتوفيق ان شاء الله
وانا موتري ماخذنه شهر 6 يعني من 6 اشهر ..
الحين واصل الكيلو .. 25000 مع انها طاحت في الوكاله 3 اسابيع
ممشاكم شويه
عندي لكزس موديل 2002 ماشيه
430,000 كيلو بس
و بعدها و لله الحمد عسل