حتى يستفيد اخوانا الاعضاء و القراء
فقط اذهب الى الموقع : www.ebay.com
و اكتب في مكان البحث : Green laser pointer
و سوف تجد انواع و اشكال مختلفة.. و لا ابالغ ان قلت لكم انكم سوف تفاجؤوا بالاسعار..
فالاسعار هناك تصل في بعض الاحيان الى اقل من ربع القيمة المعروضة في المنتديات
حبيت انفيد اخوانا الاعضاء و القراء
ســـــــــــــــــــــــلـــــــــــــــــــــــــ ــــــطـــــــــــــــــــــــــــــــة؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
هههههههههههههههههههههههه مستحيـــــــــــــــــــــــــــــــــــــــــــــ ـــــــــــــــــــــــــــــــــــــــــــــ ــل
عشنا وشفنا 🙂
كلنا نفضل نفيد عيال بلادنا.. بس ترا اللي قاعد اشتري منه من ولد بلادنا قاعد يشتري من الكافر على قولتج.. و نحن نشتري عنه…
ملايين الناس تتعامل مع ebay
و انا صراحة مش مستعد ادفع اضعاف قيمة البضاعة في الوقت اللي اقدر اشتريها بربع القيمة
و على فكرة.. افيد عيال بلادي الشراية و اللي هم الاغلبية الساحقة.. و اخليهم ويوفرون بيزاتهم.. و لا افيد بياع واحد او اثنينة على احساب الاكثرية و الاغلبية..
لا و المصيبة يبيع لهم بأضعاف مضاعفة..
و الحركة هذي موب يديدة اللي يبتها.. اللي يعرفون موقع ebay و غيره من مواقع المزادات و المبايعات.. دايما يتعاملون معاها..
اعطيكم مثال.. اخوي شاف هنية نفس البضاعة.. الليزر الاخضر من كم شهر.. راح و دور عليه في موقع مزايدات .. و لقاه بأقل من ربع القيمة.. و اشتراه بقراطيسة.. و ليومك هذا شغال
……….
يعني الفايدة عندما تكون اعم و اشمل.. فهي الفائدة.. مش افيد واحد على حساب العشرات اللي يدفعون قيمة البضاعة اضعاف مضاعفة
سلامي عليكم
ملاحظة: اللي يحب يبايع ربعه و يفيدهم.. .. لا يبالغ في الاسعار و يضاعفها اضعاف مضاعفة..
هذا يسمونه في الاسلام ( الفُحش في البيع )
تحياتي للجميع . . . . . . .
أخـــــــــــوي العزيز ( راعي النيطان )
شـــو رايـــــك أن في أعضاء في منتدى تعرض و أتبيع بضايع ……. موجوده في السوق عندنا ….!!!!
أتخيل تطلب وتشتري من المنتدى ولا فوقه سعر الشحن …. والمنتج موجود في السوبر ماركت الي عند بيتكم ………..!!!!!!
مب عارف شو صاير في الناس ……. كل ما شافت شيء قالت بابيعه في المنتدى أو على البيوت !!!!!
بخبرك بسالفه ….. ما شاء الله الحريم مب خلين شيء ما باعوه على الناس …. والناس ما أتصدق وتشتري ……..!!!!!
وصلت الأمور أنهم يبعون ………. عصاير ….. على الناس في البيوت ….. تــــــــخـــــــــيـــــل !!!!!!
يبون ينافسون الكافتريات ………… !!!!!
ولدرجه أنهم حالياً ………. يبعون شيء والله أذا خبرك … بتيود راسك ……….!!!!!!!!!!!!
((((( سـلطـة ))))) ………. أظاهر تعتقد أني أسولف وياك ……. لا أخــــوي ….. يبعون سلطات على الناس وعلى البيوت ………. تـــــــــخــــيل !!!!!!!!!!
تحياتي
تسلم اخوي راعي النيطان على الموضوع … ^_^
موضوعك حلوو … و كلام بعض الاعضاء ان الموضوع يخرب علينا البيع …انا ما اتفق معاه ..
بالنسبة للموقع …. مش سر على الاعضاء من وين نحن نشتري الليزر .. و كل من يشتري من عندي يسألني من وين اشتريه …اخبره و في بعض الاحيان اعلمه …
و عن الاسعار … مثال… كان عندي الليزر … مداه 5كم … كان ينباع بالمنتدى … ب 350 .. انا بعته … ب 250 و احيان كنت اراعي الشخص و يكون السعر 200 ..و الليزر اللي كنت ابيعه افضل بكثير من اللي كان موجود….
و الحين عندي الليزر …اللي مداه … 10 كم … انا وضعت السعر 450 … السعر الاصلي مع الشحن … تقريبا 200 درهم … صحيح اني ابيعه بضعف السعر …لكن مش بأضعاف السعر .. مثل ما تفضلت و ذكرت … و اخفض السعر ل 350 اذا كان الشخص بيشتري اكثر من ليزر واحد … يعني الفايدة 150 تقريبا … اعتقد انها معقوله …
السالفة ما فيها لف ولا دوران ….
اللي حاب يشتري من المنتدى حياه الله و اللي حاب يشتري من الموقع …الله يوفقه …
اشكرك اخوي مرة ثانية على الموضوع ….
اخوك …. خالد
انا وياك فالمبالغه بالاسعار ….فييه ناس تبالغ … بس ياخى بين البايع يفتح الله الشخص مش مجبور يشترى من حد عارض بضاعته بسعر غالى …. بس انا بفيد المواطن اكيد واعتقد الاغلبيه من الى يعرضون بضايعهم هنى اسعارهم جدا معقوله …. اعتقد انته بها الكلام خربت عليهم وحطيتهم كلهم بخانه وحده …. كان الاحسن لك تاخذ البضاعه الى تشوف انها غاليه وتعرضها فالمنتدى بسعر اقل بدال هالزوبعه الى مالها داعى …… فالاول والاخير انته ييت تكحلها عميتها ….. ولا تنسى انه الى اييب البضاعه من النت يتعب ويدخل مزادات ويبالها شغل وتعب لاتفكر تعال وخذ بس .
انته كلامك على الليزر بس صدقنى ضريت الناس بها الكلام الى ماله داعى .
راعي النيطان والله انك صادق بكل كلمة ربي يوفقك إن شاء الله
تحياتي