حبيت الكل يشاريكني و يبدي رايه عن اللاندكروزر اليديد للأن الناس طايحين فيها بدون مايعرفون مساوئهاز
شو رايكم في ال8 و ال6 سلندر يقولون عزمها مب قوي؟ شو رايكم في سلاسة التحكم في السياره
والسكان؟
شو رايكم بابريك و الرسبونس لأن الجديم كان البريك يابس و لازم الواحد يدوس باقووو عشان يخفف
خصوصصا في السرعات العاليه .
الجديمه كان السكان يابس والمناوره متعبه و مب مريحه فالخطوط. أنا أفكر اخذلي وحده لاكن متخوف من
راحت سياقتها والمناوره. شو رايكم و تجربتكم ؟
المزرووعي
شوف الانفنتي تفوقت على اللكزس والتيوتا والمرسيدس من ناحيه الاعطال
وطلعت ثاني اقل سياره اعطال فالعالم
إنفينيتي جاءت ثانية بعد بورش التي حافظت على الصدارة وبهذا انتزعت إنفينيتي موقع لكزس في العام السابق، حيث تعرضت سيارات إنفينيتي لمعدلات أعطال أقل من تلك التي تعرضت لها سيارات لكزس.
وجاء في التقييم أن إنفينيتي M هي أجود سيارة من فئة السيارات العائلية الفاخرة على وجه الأرض، كما كانت EX أيضاً أجود السيارات الفاخرة الصغيرة نسبياً على الإطلاق، فيما كانت G خلف EX مباشرة كثاني أجود سيارة فاخرة صغيرة.
نتائج رائعة لإنفينيتي للعام 2008 تزيد من الثقة بهذه الماركة التي تتطور يوماً بعد يوم.
ياعووووومــري يالانفنتي
ملكش حل 
والله ماقصرت يا مزروعي
… بس بالله عليك ..أنت ومن خلال خبرتك ماشاء الله عليك .. وبدون تحيز شو رأيك بالإنفنتي …أو نيسان بشكل عام …
هههههه المقااارنة صعبه صعبه يا راعي العقارات..
مافي أوجه مقارنه .. نحن ليش نقارن!
السيارتين غيييير عن بعض
اللي يبا الراحه ويبا ياخذ سياره (مايشيل همها) يعرف شو يختار ..
واللي يبا يوقع كونتراكت دائم مع الوكاله او مصفح بعد يعرف شو يختار
اللي يبا الراحه ثم الراحه ثم الرااااااااحه عنده ****
واللي يبا السبورت والقرقعه والحشره ههههه عنده ****
متحيز وايد صح خخخخخخ
عالعموم انته صل استخاره وان شاءالله ماخاب من استخار ..
يالتوفيج عزيزي,,,
بالنسبه للعزم خذ الكلام مني عن تجربه
عندي Gxr V6 وداعس ويا فتك جير عادي
شرشحته ..
ومن النواحي الثانيه
ترى اوسع واهدا وافخهم
وفي النهايه عقب التيوتا ماشي موتر
السلام عليكم ورحمة الله وبركاته
أنا مالي خص في المحركات والسيارات أنا بفهم بالعقارات بس …
بس رأي محايد .. الصراحة الإنفنتي كشكل وموديل ..وتصميم … ورنجات .. وليتات .. وداخل وخارج … أحلى من الاستيشن … يعني الإستيشن ما مليتوا منها ..20 سنة نفس هالصندوق ..بس كبر هالزاوية .. إنفخ الدبة … غير شكل الليت .. وما في فرق … أوكي يا أخي إفهمنا أعطالها قليلة .. بس يا أخي أنت آخذ سيارة للرفاهية ولا سيارة للحرب .. إذا كان للحرب ..خذلك سيارة .. همر أو مدري شو إسمها …
بعدين أي سيارة تاخذها من الوكالة … يعني المفروض على التشييكات النظامية ..ما تسأل لا عن أعطال ولا شي … إلا .. لا سمح الله حادث أو سوء إستعمال … هذا اللي يخرب السيارة …
الإنفنتي …حتى عالمياً لها وزنها يعني مثلاً لما تطالع التلفزيون …وتشوف مطرب قاعد يغني أو ممثل في مسلسل … يكون ظاهر بإنفنتي … مو باستيشن …
ياخي
مقارنة بسيطة :
الإنفنتي أسرع عالخط …
الإنفنتي حجمها أصغر وهو حجم السيارة الطبيعية ..يعني فور ويل وسط …
الإنفنتي مصروفها أقل …
شبابية أكثر …
العدد المنتشر منها أقل من الإستيشن ..
يعني كل البشر راكبة استيشن ..
مثلاً لما بكون مع الشباب بالكوفي أو بالشارع مثلاُ وتمر سيارة استيشن أو انفنتي ..الإنفنتي بتشد الإنتباه أكثر ..
ولا ذيك السيارة FJ هذه سيارة ولا سحّارة … شو فيها مميز يعني … مع إحترامي الشديد للي يقتنون هذه السيارة …
…هذا رأي شخصي … وراعي الموضوع ..استخير ربك ..وخذ السيارة اللي تعجبك …