حبيت الكل يشاريكني و يبدي رايه عن اللاندكروزر اليديد للأن الناس طايحين فيها بدون مايعرفون مساوئهاز
شو رايكم في ال8 و ال6 سلندر يقولون عزمها مب قوي؟ شو رايكم في سلاسة التحكم في السياره
والسكان؟
شو رايكم بابريك و الرسبونس لأن الجديم كان البريك يابس و لازم الواحد يدوس باقووو عشان يخفف
خصوصصا في السرعات العاليه .
الجديمه كان السكان يابس والمناوره متعبه و مب مريحه فالخطوط. أنا أفكر اخذلي وحده لاكن متخوف من
راحت سياقتها والمناوره. شو رايكم و تجربتكم ؟
ههههههههه مقصوده مقصوده تراني ما نقعت ههههه
يالله زين ظحكنا حد الجو بدا يشد ههههههه
……
بخصوص الانفنتي .. سياره فنانه وماعليها كلام مثل ما قلت وبالعكس انا كنت حاجزنها
وماشي فرق فالسعر وايد .. بس يوم شفتها فالوكاله اكتشفت انها من فئة ثاانيه غير عن الاستيشن
يعني ماشي مقارنه بينهم مش عشان المواصفات والمكينه.. ماشي مقارنه لأن هاي فئة والثانيه فئة غييييير
هذي كروس اوفر شبابية وصغيره ومن ورا جدا ظيقة والاستيشن بعد شبابيه لكن يفرق الوسع والإعتماديه <<<< خخخخخ متحيز شكلي صح؟
الفكره ان الانفنتي في وادي والاستيشن في وادي .. الإختيار الحين بيعتمد على الشخص نفسه هو شو يبا هل هو بيكون عايله ؟ هل هو راعي خطوط .. واذا راعي خطوط ترا الإستيشن في الكفه الراجحه… فرق في الخطوط كبير.. راحة وركاده .. لكن الإنفنتي اليديد في شوية عيوب من حيث الراحه يعني العزل الخارجي و الحجم والسيارة يابسه شوي .. يعني فالخطوط متعبه .. وهالكلام انا هب يايبنه من عندي انا يايبنه من تجارب كذا شخص خذو الإنفنتي اليديد FX50S .. في كل الأحوال هذي سياره من نوع والإنفنتي من نوع آخر ..
واللي يبا يتأكد بخصوص الإنفنتي يدخل نيسان أرابيا وبيشوف تجارب العالم والناس .. وفي نفس الوقت تراها سياره واايد واايد راقية لكنها لا تصلح للمقارنه مع الإستيشن…
في كلمه قالها لي واحد من الشباب يوم كنت أشاوره بين الإستيشن والإنفنتي اليديد عيبتني ..
على أساس اني باخذ سته سلندر فل أبشن قيمته 187000 والإنفنتي بــ 237000
قالي أحط هالفرقية ال50000 في مخباي ولا أخسرها (قصده ان الإنفنتي بتخسر هالقيمه بسهوله يعني ليش أتعب نفسي واخسرها فالسوق وبإمكاني أخليها في مخباي)
ودمتم ساالمين…
حيوو خيووو…
انفينتي وبس والباقي خس (طبعا اذا سيارة حق خطوط وراحة وفخامة )
اف جي وبس (اذا حق البر وطلعات وجي )
نصيحة خذ لك انفينتي وما عليك من كلام الناس ماشي لا خرابات ولا شي حتى لو تمشي فيه فوق ال200 عادي ما يستوي به شي اهم شي انك تسوي له صيانة وان شاء الله ما يستوي فيه شي ونصيحة×نصيحة خذ لك الانفينتي الكروزر شكله قبيح وفاشل و نزل مكينة 4700 ما ادري 4800 لكن المكينة كانت فاشلة فحطو له مكينة برادو ومكينة برادو ما بتشيل باص والله شكله قبيح لو انا بدالك بدون ما اعور راسي وافكر سيده على وكالة النيسان وبحجز انفينتي
==============================
ماشي مقارنه والله
التعديل الأخير تم بواسطة : مزروعي بوظبي بتاريخ 11-08-2008 الساعة 10:18 AM. السبب: طبعة مغلطية
وسامحني ياخوي مزروعي بوظبي بس عن جد كنت باموت من الضحك يوم قريت سبب التعديل
والسموحة منكم ياشباب ولحد يزعل علي أسولف معكم بس!!!!!!!!
خذلك انفنتي وخلك من الاستيشن
الاستيشن شكله كبيير وثجييل وايد واصلا شكله مب حلو << وجه نظري
مايتقارن بالانفنتي وبمواصفات وفخامه وراحه وقوه الانفنتي
حتى فالسعر الانفنتي ارخص بـ 30 الف عن الـ V8 vxr تقريبا !!
انا عن نفسي لو منك ما بحط اكثر من 200 الف فـ استيشن ..
اذا خاطرك فـ تيوتا خذلك FJ وايد احسن واقوى واريح
وماشي سياره بتم عندك 5 سنوات بدون ما يطلع فيها شي
واهم اهم اهم شي الاستخاره ^_^